క్రేజ్ తగ్గని బుట్టబొమ్మ సాంగ్.. చిందేసిన మరో సీనియర్ హీరోయిన్

ఇప్పటికే ఈ సాంగ్‌కి బాలీవుడ్ స్టార్ హీరోయిన్స్ శిల్పా శెట్టి, దిశా పటాని, క్రికెటర్ డేవిడ్ వార్నర్ సైతం ఫిదా అయి టిక్‌టాక్‌లో ఈ పాటికి డ్యాన్స్ చేశారు. ఇప్పుడు ఈ పాటకి ఒకప్పటి సీనియర్ హీరోయిన్..

Updated on: May 14, 2020 | 6:04 PM

స్టైలిష్ స్టార్ అల్లు అర్జున్, డైరెక్టర్ త్రివిక్రమ్ కాంబోలో వచ్చిన సినిమా ‘అల వైకుంఠపురములో’. ఈ సినిమా సంక్రాంతి పండుగ సందర్భంగా రిలీజ్‌ అయి బాక్సాఫీస్ వద్ద రికార్డులు సృష్టించిన విషయం తెలిసిందే. అందులోనూ ఈ సినిమాలోని పాటలు సూపర్ హిట్ అయ్యాయి. ముఖ్యంగా సామజవరగమన, బుట్టబొమ్మ, రాములో రాములో.. పాటలు సినిమాకి మంచి క్రేజ్ తెచ్చిపెట్టాయి. ఈ సినిమా రిలీజ్ అయి ఐదు నెలలు అయినా ఇప్పటికీ ఈ బుట్టబొమ్మ సాంగ్‌కి ఏమాత్రం క్రేజ్ తగ్గలేదు. ఇప్పటికే ఈ సాంగ్‌కి బాలీవుడ్ స్టార్ హీరోయిన్స్ శిల్పా శెట్టి, దిశా పటాని, క్రికెటర్ డేవిడ్ వార్నర్ సైతం ఫిదా అయి డ్యాన్స్ చేశారు. ఆ వీడియోలను టిక్‌టాక్‌లో కూడా పోస్ట్ చేశారు.

ఇప్పుడు ఈ సాంగ్‌కి ఒకప్పటి సీనియర్ హీరోయిన్ సిమ్రాన్ సైతం స్టెప్పులు వేసింది. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది. తాజాగా ఈ వీడియోను సిమ్రాన్ తన ట్విట్టర్‌లో పోస్ట్ చేస్తూ.. ‘డ్యాన్స్ ఎప్పుడూ నన్ను ఉత్తేజపరుస్తుంది’ అని ట్వీట్ చేసింది.

Dance always keeps me up and running❤️#StayHomeStaySafe #WeWillGetThroughThisTogether #slimfitsimran #dancewithme pic.twitter.com/UjHazzALtE

— Simran (@SimranbaggaOffc) May 13, 2020