ప్రామిసరీ నోటుపై సంతకంతో పాటు వేలిముద్ర కూడా ఉంటే చెల్లుతుందా..?

ప్రామిసరీ నోటుపై సంతకంతో పాటు వేలిముద్ర కూడా ఉంటే దాని చెల్లుబాటు గురించి అనేకమందికి సందేహాలు వస్తుంటాయి. ఈ విషయంలో స్పష్టత అవసరం. ప్రామిసరీ నోటు అనేది ఒక వ్యక్తి మరొకరికి నిర్దిష్ట మొత్తాన్ని తిరిగి చెల్లిస్తానని హామీ ఇస్తూ రాసే చట్టబద్ధమైన పత్రం. ఇందులో రుణదాత, రుణగ్రహీత వివరాలు, అప్పు తీసుకున్న మొత్తం, కారణం స్పష్టంగా పొందుపరుస్తారు. సాధారణంగా, ప్రామిసరీ నోటుపై స్టాంప్ అంటించి, దానిపై సంతకం చేస్తారు. సంతకం చేయగలిగిన వారితో సంతకం చేయిస్తారు, సంతకం రాని వారితో వేలిముద్ర వేయించుకుంటారు. వేలిముద్ర వేసేటప్పుడు స్టాంప్‌పై వారి పేరు కూడా రాసి వేలిముద్ర తీసుకుంటారు. డాక్యుమెంట్ రైటర్ పేరు కూడా నోటుపై ఉంటుంది. కొంతమందికి సంతకం చేయడం వచ్చినా, అదనపు ధృవీకరణ కోసం సంతకంతో పాటు వేలిముద్ర కూడా తీసుకునే అలవాటు ఉంటుంది. అలాంటి సందర్భాలలో ప్రామిసరీ నోటు చెల్లదనేది అపోహ మాత్రమే అని న్యాయ నిపుణులు చెబుతున్నారు.

సంతకం, వేలిముద్ర రెండూ ఉన్నప్పటికీ, ప్రామిసరీ నోటు చట్టబద్ధంగా పూర్తిగా చెల్లుబాటు అవుతుంది. ఇది ఎటువంటి లోపం లేకుండా పనిచేస్తుంది. రుణదాత మూడు సంవత్సరాల లోపు కోర్టులో దావా వేసి తమ డబ్బును తిరిగి పొందడానికి అవకాశం ఉంటుంది. కాబట్టి, ఈ పద్ధతిలో తీసుకున్న ప్రామిసరీ నోట్లు పూర్తిగా చట్టబద్ధమైనవే.

టమాటా పొలంలో పనిచేస్తున్న రైతుకు ఇవి కనిపించాయ్.. ఏంటో తెలుసా..?