Serum Vaccines: ఇక పేద దేశాలకు కూడా సీరం కంపెనీ కోవిడ్ వ్యాక్సిన్, ప్రపంచ ఆరోగ్య సంస్థ గ్రీన్ సిగ్నల్.
తక్కువ ఆదాయం గల పేద దేశాలకు కూడా కోవిడ్ 19 వ్యాక్సిన్ ని పంపిణీ చేసేందుకు ప్రపంచ ఆరోగ్య సంస్థ గ్రీన్ సిగ్నల్ ఇచ్చింది. ఇండియాలోని సీరం కంపెనీ ఉత్పత్తి..
Serum Vaccines:తక్కువ ఆదాయం గల పేద దేశాలకు కూడా కోవిడ్ 19 వ్యాక్సిన్ ని పంపిణీ చేసేందుకు ప్రపంచ ఆరోగ్య సంస్థ గ్రీన్ సిగ్నల్ ఇచ్చింది. ఇండియాలోని సీరం కంపెనీ ఉత్పత్తి చేస్తున్న ఆక్స్ ఫర్డ్ ఆస్ట్రా జెనికా, దక్షిణ కొరియా తయారు చేస్తున్న ఆస్ట్రా జెనికా ఎస్.కె. బయో వ్యాక్సిన్ల అత్యవసర వినియోగానికి ఈ సంస్థ అనుమతించింది. దీంతో వరల్డ్ హెల్త్ ఆర్గనైజేషన్ స్వయంగా ఉత్పత్తి చేస్తున్న కోవ్యాక్స్ పంపిణీకి తోడుగా ఆస్ట్రాజెనికా టీకామందు కూడా పేద దేశాలకు సప్లయ్ కానుంది. ఈ క్రమంలో వ్యాక్సిన్ల సమాన పంపిణీకి అవకాశం కల్పిస్తూ దాదాపు 190 దేశాలు ఓ ప్రత్యేకకార్యక్రమంలో పాలుపంచుకోనున్నాయి. వర్ధమాన దేశాల మాట అటుంచి తక్కువ ఆదాయం గల దేశాలకు తాము ప్రతి డోసును 3 డాలర్ల చొప్పున విక్రయించదలచామని సీరం సంస్థ సీఈఓ ఆదార్ పూనావాలా ఇటీవల ప్రకటించారు.
అటు-ఫైజర్, బయో ఎన్ టెక్ టీకామందుల అత్యవసర వినియోగానికి కూడా ప్రపంచ ఆరోగ్య సంస్థ పచ్ఛజెండా ఊపింది.130 మిలియన్ డోసుల వ్యాక్సిన్ ని రవాణా చేయడం జరిగిందని, కానీ కేవలం 10 దేశాలకు మాత్రమే ఇది అందిందని ఈ సంస్థ హెడ్ టెడ్రోస్ అద్నామ్ గెబ్రెసెస్ తెలిపారు. 200 కోట్లమందికి పైగా జనాభా గల సుమారు 130 దేహాల్లో సింగిల్ డోసు కూడా ప్రజలకు అందలేదని, ఇది విచారకరమని ఆయన చెప్పారు. తమ కోవ్యాక్స్ టీకామందును సాధ్యమైనంత త్వరగా పంపిణీ చేసేందుకు యత్నిస్తున్నామని ఆయన వెల్లడించారు. ధనిక దేశాలకు ఎమర్జెన్సీ వినియోగ వెసులుబాటు ఉన్నా పేద దేశాలకు మాత్రం ఇది లేదని ఆయన చెప్పారు.
Also Read: