QR code on wedding card: వాటే ఐడియా.. పెళ్లి శుభలేఖపై QR కోడ్.. గిఫ్ట్ మనీని పంపేందుకు వీలుగా.. ఎక్కడంటే..

కరోనా వైరస్ ప్రభావంతో దాదాపు చాలా మంది శుభకార్యాలకు వెళ్ళాలంటే వణికిపోతున్నారు. అయితే అనుకున్నంత అతిధులు రాకపోవడంతో చేయాల్సిన శుభకార్యాలను కూడా ఘనంగా

Rajitha Chanti |
Updated on: Jan 18, 2021 | 8:44 PM

కరోనా వైరస్ ప్రభావంతో దాదాపు చాలా మంది శుభకార్యాలకు వెళ్ళాలంటే వణికిపోతున్నారు. అయితే అనుకున్నంత అతిధులు రాకపోవడంతో చేయాల్సిన శుభకార్యాలను కూడా ఘనంగా చేసుకోలేకపోతున్నారు. ఈ మహామ్మారి వలన పెళ్ళిలకు హాజరయ్యే వారి సంఖ్య పూర్తిగా తగ్గిపోయింది. ఇందులో మరీ ముఖ్యంగా పెళ్ళిల్లో చదివింపులు జరిపే వారి సంఖ్య గణనీయంగా తగ్గిపోయింది. దీంతో కొత్త కొత్త ఆలోచనలు చేస్తున్నారు ప్రజలు.

ప్రస్తుత కాలంలో ప్రతీది ఆన్‏లైన్‏లోనే జరుగుతున్నాయి. తాజాగా పెళ్ళి చదివింపులు కూడా ఆన్‏లైన్‏లోనే చదివించే పరిస్థితికి వచ్చేసాం. ఇక పెళ్ళి పత్రికపై ఓ జంట ఏకంగా క్యూఆర్ కోడ్‏నే ముంద్రించేశారు. ప్రస్తుతం ఈ శుభలేఖ నెట్టింట్లో వైరల్‏గా మారింది. తమిళనాడులోని మధురైలో ఓ కుటుంబం పెళ్ళి పత్రికను వెరైటీగా ప్రింట్ చేయించింది. తమ కూతురి పెళ్లి కోసం.. శుభలేఖపై క్యూఆర్ కోడ్‏ను ముద్రించారు. గూగుల్ పే, ఫోన్ పే క్యూఆర్ కోడ్‏లను ఆ కార్డుపై ప్రింట్ చేయించారు. పెళ్ళికి వచ్చిన అతిథులు కానీ, కరోనా వల్ల పెళ్ళికి హాజరుకాలేనివారు తమ ఇంట్లో ఉండే ఆ క్యూఆర్ కోడ్ ఉపయోగించి చదివింపులు చేయ్యొచ్చు. నూతన వధువరులకు గిప్ట్ మనీ ఇవ్వాలనుకునే వారు గూగుల్ పే లేదా ఫోన్ పే ద్వారా నేరుగా బ్యాంక్ అకౌంట్లోకి ఆ డబ్బును ట్రాన్స్‏ఫర్ చేయవచ్చు. ఇక ఆదివారం ఈ వివాహం జరగగా.. ఇప్పటి వరకు దాదాపు 30 మంది అతిథులు ఈ సదుపాయాన్ని ఉపయోగించుకున్నారట. ఈ శుభలేక చూసిన నెటిజన్లు ఐడియా బాగుంది అంటూ కామెంట్లు చేస్తున్నారు.