ఫోక్సో స్పెషల్ కోర్టు కీలక తీర్పు..!
హైదరాబాద్ పాతబస్తీలో ఐదేళ్ల క్రితం బాలుడిపై జరిగిన లైంగికదాడి కేసులో ఫోక్సో స్పెషల్ కోర్టు కీలక తీర్పు వెలువరించింది. పన్నెండేళ్ల బాలుడిపై ఘాతుకానికి పాల్పడ్డ అరబిక్ టీచర్ ను దోషిగా తేలుస్తూ పదేళ్ల జైలు శిక్షతో పాటు రెండు వేల రూపాయల జరిమానా విధించింది కోర్టు.
హైదరాబాద్ పాతబస్తీలో ఐదేళ్ల క్రితం బాలుడిపై జరిగిన లైంగికదాడి కేసులో ఫోక్సో స్పెషల్ కోర్టు కీలక తీర్పు వెలువరించింది. పన్నెండేళ్ల బాలుడిపై ఘాతుకానికి పాల్పడ్డ అరబిక్ టీచర్ ను దోషిగా తేలుస్తూ పదేళ్ల జైలు శిక్షతో పాటు రెండు వేల రూపాయల జరిమానా విధించింది కోర్టు. తన వద్దకు చదువుకోవడానికి వచ్చిన పన్నెండేళ్ల బాలుడిపై లైంగిక దాడికి పాల్పడ్డాడు అరబిక్ ఉపాధ్యాయుడు మహ్మద్ మునీరొద్దీన్. ఈ ఘటన 2015, నవంబర్ లో బహదూర్పురా పోలీస్ స్టేషన్ పరిధిలోని కిషన్ బాగ్ లో చోటుచేసుకుంది. లైంగిక దాడికి సంబంధించిన పక్కా ఆధారాలతో కేసు దర్యాప్తు చేపట్టారు పోలీసులు. నిందితుడిపై ఫోక్సో చట్టం కింద కేసులు నమోదు చేశారు. దీనిపై విచారణ జరిపిన ఫోక్సో స్పెషల్ కోర్టు తుది తీర్పు వెల్లడించింది.