ఫేస్‌బుక్, ఇన్‌స్టాగ్రామ్ సహా 89 యాప్‌లపై భార‌త ఆర్మీ నిషేధం..

ఇండియన్ ఆర్మీ సంచ‌ల‌న‌ నిర్ణయం తీసుకుంది. భార‌త సైనికులు, అధికారులంద‌రూ.. ఇన్‌స్టాగ్రామ్, ఫేస్‌బుక్ స‌హా 89 రకాల అప్లికేష‌న్స్ నుంచి వెంటనే తమ అకౌంట్ల‌ను తొలగించాలని ఆదేశాలు జారీ చేసింది. ఆర్మీ వారంద‌రూ మొబైల్ ఫోన్ల నుంచి ఆ యాప్‌లను తీసివేయాల‌ని సూచించింది. వీటిలో కేంద్ర స‌ర్కార్ ఇటీవల నిషేధించిన‌ చైనాకు చెందిన 59 రకాల యాప్‌లు సహా ప్ర‌స్తుతం బాగా వాడుక‌లో ఉన్న‌ వివిధ‌ కీలక యాప్‌లు ఉన్నాయి. జులై 15లోగా వీటన్నింటి సైనికులు, అధికారులు తొల‌గించాల‌ని ఆర్మీ డెడ్ లైన్ విధించింది. ఈ మేర‌కు 13 లక్షల జవాన్లకు ఆదేశాలు అందాయి. సేఫ్టీ రీజ‌న్స్, సెన్సిటివ్ డేటా లీకేజీ వంటి కారణాల దృష్ట్యా ఈ నిర్ణయం తీసుకున్నట్లు భార‌త‌ ఆర్మీ బుధవారం తెలిపింది. ఈ ఆదేశాలను పాటించని సైనికులు, అధికారులపై తీవ్ర చ‌ర్య‌లు ఉంటాయ‌ని హెచ్చ‌రించింది.