జాతీయ అవార్డుల ఎంపికకు కమిటీ నియామకం
ఉత్తమ ఉపాధ్యాయుల ఎంపికకు ప్రత్యేక కమిటీని నియమించింది ప్రభుత్వం. జాతీయ అవార్డు-2020 కోసం ఉపాధ్యాయుల ఎంపిక నిమిత్తం రాష్ట్ర స్థాయి కమిటీని నియమిస్తూ ఆంధ్రప్రదేశ్ పాఠశాల విద్యాశాఖ ముఖ్యకార్యదర్శి బి.రాజశేఖర్‌ సోమవారం ఉత్తర్వులు జారీచేశారు.
ఉత్తమ ఉపాధ్యాయుల ఎంపికకు ప్రత్యేక కమిటీని నియమించింది ప్రభుత్వం. జాతీయ అవార్డు-2020 కోసం ఉపాధ్యాయుల ఎంపిక నిమిత్తం రాష్ట్ర స్థాయి కమిటీని నియమిస్తూ ఆంధ్రప్రదేశ్ పాఠశాల విద్యాశాఖ ముఖ్యకార్యదర్శి బి.రాజశేఖర్‌ సోమవారం ఉత్తర్వులు జారీచేశారు. ఈ కమిటీలో పాఠశాల విద్యాశాఖ ముఖ్యకార్యదర్శి చైర్‌పర్సన్‌గా వ్యవహరించనున్నారు. ఇక, కేంద్ర ప్రభుత్వ నామినీ డాక్టర్‌ గీతా ప్రసన్నన్‌ సభ్యులుగా , పాఠశాల విద్యా కమిషనర్‌ మెంబర్‌ సెక్రెటరీగా, ఎస్‌సీఇఆర్‌టీ డైరెక్టర్‌ మరో సభ్యులుగా ఉంటారు. రాష్ట్రంలోని ప్రభుత్వ పాఠశాలల్లో పనిచేస్తున్న ఉత్తమ ఉపాధ్యాయులను కమిటీ ఎంపిక చేస్తుంది. ఇందుకు సంబంధించిన తుది జాబితాను కమిటీ సిద్ధం చేసి కేంద్రానికి నివేదించనుంది.