రాజకీయ పార్టీలు ఎన్ని ఉన్నా.. స్నేహం వీడదు

దేవుడు మనకి ఇచ్చిన గొప్ప వరం స్నేహం. భేదాభిప్రాయాలు ఎన్ని వచ్చినా స్నేహితులు విడిపోరు. కానీ రాజకీయాలకు వచ్చేసరికి ఇద్దరి మధ్య విభిన్న అభిప్రాయాలు ఉంటాయి. ఒకరు ఒక పార్టీ నాయకుడిని ఫాలో అయితే.. మరొకరు ఇంకో పార్టీ నాయకుడి సిద్ధాంతాలను ఫాలో అవుతాడు. ఇద్దరి మధ్య ఇక్కడే గొడవలు కూడా వచ్చే అవకాశాలు ఉన్నాయి. ఇది ఇలా ఉంటే రాజకీయ పార్టీలు ఎన్ని వచ్చినా.. మన స్నేహం విడిపోదంటూ ఒక ఫోటో ఇప్పుడు సోషల్ మీడియాలో వైరల్ అవుతోంది.

కేరళలో రెండు రాజకీయ పార్టీల ర్యాలీ పూర్తి అయిన తర్వాత.. వారి సపోర్టర్స్ ఒకే కారులో ప్రయాణిస్తుండగా.. ఆ ఫోటోని ఎవరో క్లిక్ చేసి.. ‘వాయిస్ అఫ్ సౌత్ ఇండియా’ అనే ఫేస్‌బుక్ పేజీ లో పోస్ట్  చేయగా.. ఇది సోషల్ మీడియాలో వైరల్ అవుతోంది. అంతేకాదు ఒక వ్యక్తి ఈ ఫోటో పై ‘ రాజకీయ పార్టీల సిద్ధాంతాల వల్ల స్నేహాన్ని వీడకూడదు.. ఈ 2019 ఎలక్షన్స్ లో నేను చూసిన గొప్ప ఫోటో ఇది’ అని కామెంట్ చేశారు.