గాడిలో పడుతున్న రైల్ గాడి..అదనంగా 12 ప్రత్యేక రైళ్లు

కరోనా నుంచి నెమ్మదిగా బయట పడుతోంది రైల్వే వ్యవస్థ.. ఒక్కొక్క రైలును పట్టాలు ఎక్కిస్తోంది. మొన్న దేశ వ్యాప్తంగా 100 ప్యాసింజర్ రైళ్లను ప్రారంభించనున్నట్లు ప్రకటించిన రైల్వే శాఖ.. మరో అడుగు ముందుకు వేసింది. ఈ నెల 12 నుంచి పశ్చిమ రైల్వేలో అదనంగా 12 ప్రత్యేక రైళ్లను పునరుద్ధరించనున్నారు.

ఆరు మార్గాల్లో ఆరు జతల చొప్పున 12 ప్రత్యేక రైళ్లు ఈ నెల 12 నుంచి తదుపరి ఉత్తర్వుల వరకు నడుస్తాయని పశ్చిమ రైల్వే పీఆర్వో తెలిపారు. దేశవ్యాప్తంగా పలు ప్రవేశ పరీక్షలు జరుగుతున్నాయి. ఈ నేపథ్యంలో పరీక్షలు రాసే అభ్యర్థుల కోసం పలు జోన్లలో ప్రత్యేక రైళ్లను నడుపుతున్నారు. కాగా ఆదివారంతో జేఈఈ మెయిన్స్, ఎన్డీఏ పరీక్షలు ముగిశాయి. ఈ నెల 13న నీట్ జరుగనున్నది. ఈ నేపథ్యంలో పశ్చిమ రైల్వేతోపాటు పలు జోన్లలో ప్రత్యేక రైళ్లను నడుపనున్నారు. ఇలా వ్యవస్థను గాడీలో పడుతున్నారు అధికారులు.