శ్రియ బర్త్ డే గిఫ్ట్.. ‘గమనం’ ఫస్ట్ లుక్ రిలీజ్!
తెలుగుతెర అందాలరాశి 'శ్రియ' పుట్టినరోజు ఇవాళ. తన అపురూప అందం, అభినయంతో నటి శ్రియ శ‌ర‌ణ్‌ దాదాపు రెండు దశాబ్దాల పాటు టాలీవుడ్ తో పాటు పలు చిత్రసీమల్లో ప్రేక్షకులను అలరించించింది. పెళ్లి తర్వాత సినిమాలకి కాస్తా బ్రేక్ ఇచ్చిన..
తెలుగుతెర అందాలరాశి ‘శ్రియ’ పుట్టినరోజు ఇవాళ. తన అపురూప అందం, అభినయంతో నటి శ్రియ శ‌ర‌ణ్‌ దాదాపు రెండు దశాబ్దాల పాటు టాలీవుడ్ తో పాటు పలు చిత్రసీమల్లో ప్రేక్షకులను అలరించించింది. పెళ్లి తర్వాత సినిమాలకి కాస్తా బ్రేక్ ఇచ్చిన శ్రియ మళ్ళీ కెమరా ముందుకు వచ్చింది. ఈ సందర్భాన్ని పురస్కరించుకొని మూవీ యూనిట్ ఆమె తాజా సినిమా ‘గమనం’ ఫస్ట్ లుక్ రిలీజ్ చేశారు. ఈ ఫస్ట్ లుక్ ని దర్శకుడు క్రిష్ రిలీజ్ చేయగా మూవీ యూనిట్ తోపాటు, అనేక మంది సెలబ్రెటీలు దీనిని షేర్ చేస్తూ శ్రియకు శుభాకాంక్షలు చెబుతున్నారు. పోస్టర్ లో శ్రియ చీర క‌ట్టుకొని, మెడ‌లో మంగ‌ళ‌సూత్రం వేసుకొని ఓ సాధారణ గృహిణి లాగా కనిపిస్తుంది. ఈ సినిమాలో శ్రియనే కీలకమని.. సినిమాలో ఆమె ఒక విభిన్నమైన పాత్రను పోషిస్తున్నట్టుగా చెప్పకనే చెబుతుంది ఫస్ట్ లుక్. సుజ‌నా రావు దర్శకత్వంలో రూపొందుతున్న ఈ సినిమాని తెలుగు, త‌మిళ, క‌న్నడ, మ‌ల‌యాళం, హిందీ భాష‌ల్లో పాన్ ఇండియా మూవీగా తెరకెక్కిస్తున్నారు. ఈ సినిమాకి మాస్ట్రో ఇళ‌య‌రాజా సంగీతం అందిస్తున్నారు. సాయి మాధవ్ బుర్రా మాటలు. ర‌మేష్ క‌రుటూరి, వెంకీ పుష‌డ‌పు, జ్ఞాన‌శేఖ‌ర్ వి.ఎస్‌. నిర్మాతలు. ఇప్పటికే దాదాపుగా షూటింగ్ కంప్లీట్ చేసుకున్న ఈ సినిమా ప్రస్తుతం పోస్ట్ ప్రొడక్షన్ పనుల్లో ఉంది. ఇందులో శ్రియతో పాటుగా శివ కందుకూరి, నిత్యామీనన్‌, ప్రియాంక జువాల్కర్‌ వంటి ప్రముఖ నటులు కీలక పాత్ర పోషిస్తున్నారు.