Breaking News
  • విజయనగరం: కొత్తవలస మండలం అప్పనపాలెంలో రోడ్డుప్రమాదం. ఆటోను ఢీకొన్న కారు, నలుగురికి తీవ్రగాయాలు, ఆస్పత్రికి తరలింపు.
  • అమరావతి: రేపు టీడీఎల్పీ సమావేశం. మంగళగిరి టీడీపీ కార్యాయలంలో ఉ.10:30కి సమావేశం. అసెంబ్లీలో అనుసరించాల్సిన వ్యూహంపై చర్చ. మధ్యాహ్నం నుంచి ముఖ్యనేతలతో చంద్రబాబు సమావేశం.
  • ఢిల్లీ: నిర్భయ కేసు. న్యాయవాది ఏపీ సింగ్‌కు బార్‌ కౌన్సిల్‌ నోటీసులు. రెండు వారాల్లోగా సమాధానం చెప్పాలని ఆదేశం. న్యాయవాది ఏపీ సింగ్‌పై విచారణకు ఆదేశించిన ఢిల్లీ హైకోర్టు. నిర్భయ దోషుల తరఫున వాదిస్తున్న ఏపీ సింగ్.
  • నల్గొండ: మున్సిపల్‌ ఎన్నికల్లో టీఆర్‌ఎస్‌కు ఓట్లు అడిగే హక్కులేదు-ఉత్తమ్‌. 40 లక్షల మంది ఎస్సీలకు కేబినెట్‌లో మంత్రి పదవి లేదు. మున్సిపల్‌ ఎన్నికల్లో టీఆర్‌ఎస్‌, కేసీఆర్‌కు షాక్‌ తప్పదు-ఉత్తమ్‌కుమార్‌.
  • ఓయూ అసిస్టెంట్‌ ప్రొ.కాశిం ఇంటిపై పోలీసుల దాడిని ఖండించిన సీపీఐ. కాశిం ఇంటిపై పోలీసుల దాడి అప్రజాస్వామికం-చాడ వెంకట్‌రెడ్డి. రాష్ట్రంలో పాలన ఎమర్జెన్సీని తలపిస్తోంది. కాశిం ఇంట్లో సోదాలను వెంటనే నిలిపివేయాలి-చాడ వెంకట్‌రెడ్డి.

గౌరీ లంకేశ్ హత్య కేసు: సిట్‌కు రూ.25లక్షల నగదు బహుమతి

Gauri Lankesh, గౌరీ లంకేశ్ హత్య కేసు: సిట్‌కు రూ.25లక్షల నగదు బహుమతి

కర్ణాటకలో సంచలనం సృష్టించిన జర్నలిస్ట్ గౌరీ లంకేశ్ హత్య కేసును దర్యాప్తు చేస్తోన్న సిట్‌కు ప్రభుత్వం రూ.25లక్షల నజరానా ప్రకటించింది. హత్యకేసును క్షణ్ణంగా దర్యాప్తు చేస్తున్నందుకు గానూ ప్రభుత్వం వారికి ఈ రివార్డును ప్రకటించింది. అయితే 2017 సెప్టెంబర్ 5న సీనియర్ జర్నలిస్ట్ గౌరీ లంకేశ్ తన ఇంటి వద్దే హత్యకు గురయ్యారు. ఆమె హత్య కేసును ప్రభుత్వం సిట్‌కు అప్పగించింది. అప్పటినుంచి దర్యాప్తు చేస్తూ వస్తోన్న సిట్.. గతేడాది నవంబర్‌లో సిటీ కోర్టులో అదనపు చార్జిషీటు దాఖలు చేసింది.

ఇందులో సనాతన్ సంస్థాన్‌ పేరును కూడా పొందపరిచింది. గౌరీ లంకేశ్ హత్య కేసులో ఆరోపణలు ఎదుర్కొంటోన్న 18మంది ఈ గ్రూపులో చురుగ్గా ఉన్నట్లు తెలిపింది. అయితే సిట్ ఆరోపణలను సనాతన్ సంస్థాన్ కొట్టిపారేసింది. గౌరీ లంకేశ్ హత్య కేసుతో తమకు ఎలాంటి సంబంధం లేదని తేల్చి చెప్పిన విషయం తెలిసిందే.