Vastu Tips: కొత్తిల్లు కడుతున్నారా.? ఈ బేసిక్‌ వాస్తు నియమాలు పాటించండి..

Vastu Tips

కొత్తింటి నిర్మాణం చేపట్టాలనే ఆలోచన రాగానే ప్రతీ ఒక్కరూ ముందుగా చేసే పని వాస్తు పండితులను సంప్రదించడం. వాస్తుకు అనుగుణంగా ఇంటి నిర్మాణం ఉండాలని చాలా మంది భావిస్తుంటారు. అందుకోసమే వాస్తు పండితుల సూచనలు తీసుకుంటుంటారు. అయితే కొత్తింటి నిర్మాణం చేపట్టినా లేదా అప్పటికే నిర్మాణం చేసిన ఇంటిని కొనుగొలు చేయాలనుకుంటున్నా. కొన్న ప్రాథమిక వాస్తు నియమాలను చూసుకోవాలని చెబుతున్నారు. వాస్తు పండితుల సూచనలు తీసుకునే కంటే ముందగానే కొన్ని బేసిక్‌ వాస్తు నియమాలపై అవగాహన ఉండాలని వాస్తు పండితులు చెబుతున్నారు. ఇంతకీ ఇంటి విషయంలో పాటించాల్సి కొన్ని బేసిక్‌ వాస్తు నియమాలు ఏంటో ఇప్పుడు తెలుసుకుందాం..

* ఇంటి విషయంలో తప్పకుండా చూసుకోవాల్సిన అంశాల్లో ఇంటి ప్రధాన ద్వారం ఒకటి. ఇంటికి ప్రధాన ద్వారం ఎట్టి పరిస్థితుల్లో తూర్పు దిశలో ఉండేలా చూసుకోవాలని నిపుణులు చెబుతున్నారు. ఉదయం లేవగానే సూర్య కిరణాలు ఇంట్లోకి వచ్చేలా ఉండడం సరైన వాస్తుకు సంకేతమని అంటున్నారు.

* ఇక ఇంటి వాస్తు విషయంలో పాటించాల్సిన మరో ప్రాథమిక అంశం. పూజ గది. పూజ గది ఎట్టి పరిస్థితుల్లో తూర్పు ముఖంగా ఉండేలా చూసుకోవాలని నిపుణులు చెబుతున్నారు. అంటే దేవుడి ముఖం తూర్పు వైపు ఉండాలన్నమాట.

* బేసిక్‌ వాస్తు నియమాల్లో వంటగది దిశ కూడా ఒకటి. కిచెన్‌ ఎట్టి పరిస్థితుల్లో ఆగ్నేయ దిశలోనే ఉండేలా చూసుకోవాలి. ఆగ్నేయ దిశ అగ్నికి సంకేతంగా చెబుతారు. అందుకే ఈ దిశలోనే కిచెన్‌ ఉండాలి.

* ఇక ఇంట్లో కచ్చితంగా ఉండే బోర్‌ ఎట్టి పరిస్థితుల్లో ఈశాన్యం దిశలో ఉండాలని నిపుణులు చెబుతున్నారు. అలాగే నీటి సంపులు కూడా ఈశాన్యంలోనే ఏర్పాటు చేసుకోవాలి.

* బాత్‌రూమ్‌ విషయానికొస్తే.. కచ్చితంగా ఉత్తరం లేదా వాయివ్య దిశలో ఉండేలా చూసుకోవాలి. ఇదే వాస్తుకు సరైన దిశ అని పండితులు చెబుతున్నారు.

* ఇంట్లో మరో ప్రధాన అంశం మెట్లు. మెట్లు ఎట్టి పరిస్థితుల్లో పడమర లేదా దక్షిణ దిశలో ఉండాలి. ఎట్టి పరిస్థితుల్లో ఈశాన్యం దిశలో ఉండకూడదు. మెట్ల కింద బాత్‌ రూమ్‌ ఉండకూడదని వాస్తు చెబుతోంది.

నోట్‌: పైన తెలిపిన విషయాలు కేవలం పలువురు పండితులు, వాస్తు శాస్త్రంలో తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయ ఆధారాలు లేవని రీడర్స్‌ గమనించాలి.

మరిన్ని ఇంట్రెస్టింగ్‌ వార్తల కోసం క్లిక్ చేయండి..