Baby Shower: మహిళా కానిస్టేబుల్‌కు అరుదైన గౌరవం.. సహచరుల సమక్షంలో పోలీస్ స్టేషన్‌లో సీమంతం
గురజాల మహిళా కానిస్టేబుల్‌కు అరుదైన గౌరవం దక్కింది. సీఐ ఆధ్వర్యంలో స్టేషన్లోనే సీమంతం కార్యక్రమం జరిగింది. గురజాల టౌన్
Woman Constable: గురజాల మహిళా కానిస్టేబుల్‌కు అరుదైన గౌరవం దక్కింది. సీఐ ఆధ్వర్యంలో స్టేషన్లోనే సీమంతం కార్యక్రమం జరిగింది. గురజాల టౌన్ పోలీస్ స్టేషన్‌లో పోలీస్ కానిస్టేబుల్ గా పనిచేస్తున్న బంగారమ్మ అనే మహిళకు ఈ అవకాశం లభించింది. బంగారమ్మ గురజాల పోలీస్ స్టేషన్‌లో మూడు సంవత్సరాలుగా పనిచేస్తోంది.
మహిళా కానిస్టేబుల్ గా పనిచేస్తున్న తోట బంగారమ్మ విధి నిర్వహణలో సమర్థురాలుగా తోటి సిబ్బంది మన్ననలు పొందింది. ఈ నేపథ్యంలో తొలిసారి గర్భవతిగా ఉన్న మహిళా కానిస్టేబుల్‌ను తగురీతిగా సన్మానించాలని సిబ్బంది భావించారు. గురజాల పట్టణ సి ఐ సురేంద్ర బాబు ఆధ్వర్యంలో ఘనంగా సీమంతం వేడుకలు నిర్వహించారు.
ఈ కార్యక్రమానికి ముఖ్య అతిథిగా గురజాల డియస్పి మెహర్ జయరాం ప్రసాద్ పాల్గొన్ని మహిళా పోలీసుకి అక్షింతలు వేసి ఆశీర్వదించారు. తనకు ఇంతటి గౌరవం దక్కడం నా పూర్వజన్మ సుకృతం అన్నారు బంగారమ్మ. ఇంతటి సన్మానం నిర్వహించిన సిబ్బందికి రుణపడి ఉంటానన్నారు. ఈ కార్యక్రమంలో యస్ ఐ నాగార్జున, ఎయస్ఐ స్టాలిన్, గురజాల పోలీసు సిబ్బంది పాల్గొన్నారు.
Read also: Tollywood Drugs Case: టాలీవుడ్ డ్రగ్స్ కేసు, నలుగురి బ్యాంక్ ఖాతాల నుండి విదేశాలకు భారీగా డబ్బు..!