Snake Facts: ఒకే కాటుతో 100 మందిని చంపగలవు.. ప్రపంచంలో అత్యంత విషపూరితమైన పాములివే!
ప్రపంచంలో అనేక జీవులు నివసిస్తున్నాయి. వాటిలో కొన్ని చూస్తేనే భయం పుడుతుంది. అందులో మానవులు అత్యంత ఎక్కువగా భయపడే ప్రాణులు పాములు. వేలాది జాతుల్లో కొన్ని విషం లేనివైతే.. మరికొన్ని ఒక్క కాటుతో ఎంతటి వారి ప్రాణాల్నైనా తీసేయగలవు. వాటిలో అత్యంత ప్రమాదకరమైనవి ఈ విష సర్పాలు. ముఖ్యంగా కొన్ని పాములు అత్యంత విషపూరితమైనవిగా చెప్తారు. అలాంటి డేంజరస్ స్నేక్స్ గురించి తెలుసుకుందాం..
ప్రపంచవ్యాప్తంగా వందలాది పాముల జాతులు ఉన్నాయి. వాటిలో కొన్ని చాలా ప్రమాదకరమైనవి. ఒక్క కాటుతో మనిషిని నిమిషాల్లో చంపగలవు. ప్రపంచంలో అత్యంత విషపూరితమైన 10 పాములు ఇక్కడ ఉన్నాయి.
సా-స్కేల్డ్ వైపర్ (సురుట్టై విరియన్): మధ్య తూర్పు, మధ్య ఆసియాలో కనిపిస్తుంది. ఈ పాము కాటు కారణంగా ప్రపంచవ్యాప్తంగా చాలా మరణాలు సంభవిస్తాయి. భారతదేశంలో కూడా దీని కాటుతో వేలాది మంది ప్రాణాలు కోల్పోతున్నారు.
ఇన్లాండ్ తైపాన్: ప్రపంచంలో అత్యంత విషపూరితమైన పాము ఇదే. ఇది ఒకే కాటుతో దాదాపు 100 మందిని చంపగలదు. ఇది ఎక్కువగా మనుషుల నివాసాలకు దూరంగా ఉంటుంది.
బ్లాక్ మాంబా: ప్రపంచంలో అత్యంత వేగంగా కదలగలిగే పాము ఇది. ఆఫ్రికా ఖండంలో ఉంటుంది. ఇది ప్రమాదం అని భావించినప్పుడు మెరుపు వేగంతో దాడి చేస్తుంది. ఈ పాము కాటుకు గురైన వారికి అరగంటలోపు చికిత్స అందకపోతే ప్రాణాలు పోతాయి.
రస్సెల్స్ వైపర్ (కణ్ణాడి విరియన్): ఈ పాముల వల్ల కూడా మరణాలు ఎక్కువగా సంభవిస్తాయి. భారతదేశంలో 43% పాము కాటు సంఘటనలు ఈ పాముల వల్ల జరుగుతాయి.
రాటిల్ స్నేక్: దీని విషంలో న్యూరోటాక్సిన్స్ ఉంటాయి. అవి కండరాల పక్షవాతం, శ్వాస సమస్యలు, చివరికి మరణానికి కూడా దారితీస్తాయి.
నాగపాము: భారతదేశంలో అత్యంత ప్రమాదకరమైన పాములలో ఒకటి. ఇది చాలా విషపూరితమైనది, దూకుడుగా ఉంటుంది. ఇది ఎలుకలను ఆహారంగా తింటుంది. ఎలుకలు మనుషుల నివాసాల్లో ఉంటాయి. అందుకే ఇది మనుషులకు తరచుగా కనిపిస్తుంది.
పఫ్ అడ్డర్: ఇది ఆఫ్రికాలో ఉంటుంది. ఇది వైపర్ పాముల కుటుంబానికి చెందినది. మనుషుల రాకపోకలు ఎక్కువగా ఉన్న చోట ఇది విశ్రాంతి తీసుకుంటుంది. ఇది గాలి నింపుకుని బిగ్గరగా అరుస్తుంది.
డెత్ అడ్డర్: ఇది ఆస్ట్రేలియాలో ఉంటుంది. ఇది ఆకుల మధ్యలో దాగి ఉండి, తన ఆహారం కోసం ఎదురుచూస్తుంది. ఈ పాముల వల్ల కూడా మరణాలు అధికంగా జరుగుతాయి.
కింగ్ కోబ్రా (రాజ నాగం): భారత నాగపాములాగే, రాజ నాగానికి కూడా భారత ఉపఖండంలో చాలా ప్రాధాన్యత ఉంది.
రాటిల్ పాము: ఇది ఉత్తర అమెరికాలో చాలా ప్రమాదకరమైన పాము. దీని విషంలో హిమోటాక్సిన్ ఉంటుంది. అది ఎర్ర రక్త కణాలను దెబ్బతీస్తుంది.