Car Care tips: ‘కారు’ స్టార్ట్ చేసే ముందు ఈ పని చేయండి.. ప్రయాణం మధ్యలో ఎలాంటి ఇబ్బంది ఉండదు..

Car Care

Car Car Tips: ప్రతీ ప్రయాణికుడు తమ ప్రయాణం సాఫీగా సాగాలని, ఎటువంటి ఇబ్బంది తలెత్తవద్దని కోరుకుంటారు. ముఖ్యంగా సొంత కారు, వాహనం ఉన్నవారు పలు జాగ్రత్తలు తీసుకుంటారు. అయితే, మీక్కూడా కారు ఉన్నట్లయితే.. కారు ని ప్రారంభించే ముందు కొన్ని విషయాలపై ప్రత్యేక శ్రద్ధ పెట్టాల్సిన అవసరం ఉంది. తద్వారా ప్రయాణం మధ్యలో ఎలాంటి ఇబ్బందులు తలెత్తవు. ఇవి చాలా చిన్న అంశాలే అయినప్పటికీ.. అనసవరమైన ఇబ్బందులను దూరం చేస్తాయి. మరి అవేంటో ఇప్పుడు తెలుసుకుందాం..

ప్రతిరోజూ టైర్‌‌లో గాలిని చెక్ చేయాలి..

కారులో ప్రయాణం చేసే ప్రతిసారి.. దాని నాలుగు టైర్లను ఒకసారి చెక్ చేసుకోవాలి. ఎందుకంటే.. టైర్‌లో ఏదైనా వస్తువును గుచ్చుకుంటే.. నెమ్మదిగా దాని గాలి మొత్తం బయటకు వస్తుంది. దాని వల్ల వాహనం మైలేజ్ తగ్గుతుంది. అలాగే డ్రైవింగ్ చేసేటప్పుడు బ్యాలెన్స్ తప్పుతుంది. అంతేకాకుండా వాహనం మధ్యలోనే ఆగిపోయే ప్రమాదం ఉంది.

బోనెట్‌ను తప్పకుండా కొట్టాలి..

మీ కారు చాలా సేపు ఒకే చోట పార్క్ చేసి ఉంటే.. కుక్క, పిల్లి వంటి చిన్న జంతువులు కారు కింద కూర్చోవడం చేస్తుంటాయి. అలాంటి సమయంలో వాటిని అదిలించాలి. బానెట్‌ 2, 3 సార్లు చేతులతో కొడితే.. అవి భయంతో బయటకు వచ్చేస్తాయి.

డాష్‌బోర్డ్‌ను పరిశీలించాలి..

కారులో కూర్చున్న తరువాత స్టార్ట్ చేసే ముందు డ్యాష్ బోర్డ్‌ను జాగ్రత్తగా పరిశీలించాలి. వార్నింగ్ లైట్ ఆన్‌లో ఉందేమో చెక్ చేసుకోవాలి. అలా వార్నింగ్ లైట్ ఉంటే ఏదైనా సమస్య ఉన్నట్లు గుర్తించవచ్చు. లేదంటా ప్రయాణం సాఫీగా సాగుతుంది. అలాగే, ఇంధనం, క్యాబిన్‌లోని శబ్ధాలపై శ్రద్ధ వహించాలి.

మరిన్ని హ్యూమన్‌ఇంట్రస్ట్ వార్తల కోసం ఈ లింక్ క్లిక్ చేయండి..