Ants Problem: ఇంట్లో చీమల బెడద ఎక్కువగా ఉందా..? కెమికల్స్ లేకుండానే సులభంగా తప్పించుకోండిలా..
Remedies for Ants: చాలా మంది ఇళ్లల్లో కిచెన్, లేదా ఆహార పదార్థాలు ఉన్న ప్రదేశంలో చీమల బెడద విపరీతంగా ఉంటుంది. ఇక ఈ చీమల బారి నుంచి బయట పడడానికి అనేక రకాల స్ప్రేలు వాడుతుంటారు. కానీ ఫలితాలు ఉండక..
Ants
Remedies for Ants: చాలా మంది ఇళ్లల్లో కిచెన్, లేదా ఆహార పదార్థాలు ఉన్న ప్రదేశంలో చీమల బెడద విపరీతంగా ఉంటుంది. ఇక ఈ చీమల బారి నుంచి బయట పడడానికి అనేక రకాల స్ప్రేలు వాడుతుంటారు. కానీ ఫలితాలు ఉండక విసుగెత్తిపోతుంటారు. అలాంటివారి కోసమే చీమల బారి నుంచి తప్పించుకోవడానికి చక్కని చిట్కాలను తీసుకొచ్చాం.. ఈ చిట్కాల కోసం మీరు ఎటువంటి కెమికల్స్ వాడే అవసరం లేదు.. కేవలం వంటగదిలోని పదార్థాలను సరిగ్గా వాడితే చాలు..
- చీమల్ని తరిమి కొట్టడానికి నల్ల మిరియాలు మెరుగ్గా సహాయపడతాయి. అవును, మిరియాల నుంచి వచ్చే ఘాటుకు చీమలు పారిపోవడం ఖాయం. అందుకోసం చీమల మందుకి బదులుగా కిచెన్‌లో మిరియాలు అక్కడక్కడా కొన్ని పెడితే సరేసరి.
- చీమలను వదిలించుకోవడానికి రెండు కప్పుల నీళ్లలో కొంచెం పెప్పర్‌మెంట్ ఆయిల్‌ను కలిపి ఒక బాటిల్లో పోసి చీమలు ఉన్నచోట స్ప్రే చేస్తే మంచి రిజల్ట్ ఉంటుంది. ఇది స్ప్రే చేసేటప్పుడు మీ ఇంట్లో ఉండే పెట్స్‌ని దూరంగా పెట్టడం మరిచిపోకండి.
- అలాగే రెండు కప్పుల నీటిలో ట్రీ ఆయిల్‌ను కలిపి స్ప్రే చేసినా, కాటన్ బాల్స్‌ని ఈ వాటర్‌లో ముంచి కిచెన్‌లో ఉంచినా మంచి రిజల్ట్ ఉంటుంది.
- చీమల నుంచి ఉపశమనం పొందడానికి దాల్చిన చెక్క కూడా సహాయపడుతుంది. దాల్చిన చెక్క ఆయిల్‌లో కాటన్ బాల్స్‌ని ముంచి తీసి చీమలు తిరిగే ప్రదేశంలో పెడితే అవి రాకుండా ఉంటాయి.
- ఇంకా వైట్ వెనిగర్‌ని కూడా చీమలు ఉండే చోట స్ప్రే చేస్తే మంచి రిజల్ట్ కనిపిస్తుంది.
- అంతేకాక వేప నూనెను రెండు కప్పుల నీటిలో వేసి బాటిల్లో పోసి స్ప్రే చేసినా కూడా చీమలు మీ దరిచేరవు.
మరిన్ని హ్యూమన్ ఇంట్రెస్ట్ స్టోరీస్ కోసం ఇక్కడ క్లిక్ చేయండి..