Prabhas Adipurush Movie: ‘ఆదిపురుష్’లో అలనాటి అందాల తార.. రాముడికి తల్లిగానా..? లేక..?
Hemamalini Plays Role In Adipurush: ప్రభాస్ హీరోగా బాలీవుడ్ దర్శకుడు ఓంరౌత్ డైరెక్షన్లో 'ఆదిపురుష్' సినిమా తెరకెక్కుతోన్న విషయం తెలిసిందే. అత్యంత భారీ బడ్జెట్తో పాన్ ఇండియా మూవీగా తెరకెక్కుతోన్న ఈ సినిమాపై..
Hemamalini Plays Role In Adipurush: ప్రభాస్ హీరోగా బాలీవుడ్ దర్శకుడు ఓంరౌత్ డైరెక్షన్లో ‘ఆదిపురుష్’ సినిమా తెరకెక్కుతోన్న విషయం తెలిసిందే. అత్యంత భారీ బడ్జెట్తో పాన్ ఇండియా మూవీగా తెరకెక్కుతోన్న ఈ సినిమాపై ఇప్పటి నుంచే మంచి అంచనాలున్నాయి. బాహుబలితో నేషనల్ హీరోగా మారిన ప్రభాస్ క్రేజ్ను ఉపయోగించుకునే క్రమంలో ఓంరౌత్ ఈ సినిమాలో భారీ క్యాస్టింగ్ ఉండేలా జాగ్రత్తలు తీసుకుంటున్నాడు. ఈక్రమంలోనే బాలీవుడ్ స్టార హీరో సైఫ్ అలిఖాన్ విలన్ రోల్లో నటిస్తున్నాడు. ఇక రామాయణ ఇతిహాసం ఆధారంగా తెరకెక్కిస్తున్నారంటూ చర్చ జరుగుతోన్న ఈ సినిమాలో పాత్రలను ఓంరౌత్ ఎలా చూపించనున్నాడన్న ఆసక్తి అందరిలో నెలకొంది.
ఇదిలా ఉంటే తాజాగా ఈ సినిమాలో మరో సీనియర్ హీరోయిన్ నటించనున్నట్లు చర్చ జరుగుతోంది. ఒకప్పుడు బాలీవుడ్ ఇండస్ట్రీని ఏలిన నటి హేమామాలిని ‘ఆదిపురుష్’ సినిమాలో నటించనుందని వార్తలు వినిపిస్తున్నాయి. ఈ సినిమాలో ఓ కీలకపాత్ర కోసం హేమామాలిని తీసుకోవడానికి చిత్ర యూనిట్ సన్నాహాలు చేస్తోందని సమాచారం. ఇదిలా ఉంటే కైకేయి, కౌసల్య, సుమిత్ర రామాయణంలో ముఖ్యమైన మహిళా పాత్రలుగా చెప్పుకోవచ్చు. మరి వీటిలో హేమామాలిని ఏ పాత్ర పోషిస్తుందన్న చర్చ మొదలైంది. ఇక హేమమాలిని రాముడి తల్లిగా కనిపించనుందా.. లేదా పినతల్లి పాత్రలో నటించనుందా..? లాంటి వివరాలు తెలియాలంటే అధికారిక ప్రకటన వచ్చే వరకు వేచి చూడాలి.
Also Read: BB3: నందమూరి అభిమానులకు గుడ్న్యూస్.. ‘బీబీ3’ రిలీజ్ డేట్ వచ్చేసింది.. బాలయ్య ఫ్రెష్ లుక్ అదుర్స్