Tollywood: స్టార్ హీరోను చెంపదెబ్బ కొట్టిన భార్య.. చేతిని పళ్లతో కోరికి నానా హంగామా..

పాన్ ఇండియా సినీ ప్రియులకు ప్రత్యేకంగా పరిచయం అవసరం లేని పేరు అమీర్ ఖాన్. బాలీవుడ్ ఇండస్ట్రీలో ఎన్నో సూపర్ హిట్ చిత్రాల్లో నటించి మెప్పించాడు. అలాగే హీరోయిజం సినిమాలు కాకుండా.. కంటెంట్ బలంగా ఉంటే.. ఎన్నో వైవిధ్యమైన పాత్రలు పోషించేందుకు ముందుంటారు. హిందీ సినిమా ప్రపంచంలో తనకంటూ ప్రత్యేక గుర్తింపు తెచ్చుకున్నాడు. అమీర్ ఖాన్ చివరిసారిగా లాల్ సింగ్ చద్దా సినిమాలో కనిపించారు. ఇదిలా ఉంటే.. తాజాగా హిందీ బుల్లితెరపై ఫేమస్ రియాల్టీ షో ది గ్రేట్ ఇండియన్ కపిల్ శర్మ షోలో పాల్గొన్నాడు. ఈ ఇంటర్వ్యూలో అమీర్ ఖాన్ తన వ్యక్తిగత విషయాలు.. కెరీర్, సినిమాలకు సంబంధించిన విషయాలను పంచుకున్నాడు. అలాగే అమీర్ ఖాన్ మాజీ భార్య రీనా దత్తా తనను చెంపదెబ్బ కొట్టిందని.. అలాగే చేతిని గట్టిగా పళ్లతో కొరికి తిట్టిందంటూ చెప్పుకొచ్చింది. రీనా దత్తా తనతో అలా ప్రవర్తించడానికి అప్పట్లో ఓ పెద్ద కారణం కూడా ఉందని అన్నారు.

కపిల్ శర్మ ‘ది గ్రేట్ ఇండియన్ కపిల్ షో’లో అమీర్ ఖాన్ ప్రజల ప్రవర్తనను గమనిస్తున్నారా అని అడగ్గా.. అమీర్ ఖాన్ మాట్లాడుతూ.. “నా పెద్ద కొడుకు జునైద్ ఖాన్ జన్మించడానికి కొన్ని గంటల ముందు రీనా ప్రసవ వేదనతో బాధపడుతుంది. ఆమెను ఆసుపత్రికి తీసుకెళ్లాము. ప్రసవ నొప్పితో రీనా అల్లాడిపోతుంది. ఆ సమయంలో నేను ఆమెను కాస్త శాంతింప చేయడానికి ప్రయత్నించాను. తనతో మాట్లాడుతూ.. ఊపిరి తీసుకోవాలని కోరాను. వెంటనే తను నన్ను చెంపదెబ్బ కొట్టింది. నా చేతిని పట్టుకుని పళ్లతో కొరికింది. ఈ అర్థంలేని మాటలు ఆపు అంటూ నాపై అరిచింది” అంటూ చెప్పుకొచ్చాడు.

“రీనా బాధను నేను మొదటిసారి చూశాను. బిడ్డ పుట్టినప్పుడు స్త్రీ అనుభవించే బాధను నేను మొదటిసారి చూశాను. అంత బాధను తట్టుకోవడం తప్ప మరో మార్గం లేదు. ప్రసవవేదన సమయంలో నేను రీనా ముఖకవళికలను చూశాను. ఇప్పటికీ ఆ సమయాన్ని నేను మార్చిపోలేను” అంటూ చెప్పుకొచ్చాడు. అమీర్ ఖాన్, రీనా దత్తా వివాహం జరిగిన 16 సంవత్సరాలకు విడాకులు తీసుకున్నారు. వీరికి జునైద్ ఖాన్, ఐరా ఖాన్ ఉన్నారు.

మరిన్ని సినిమా వార్తల కోసం ఇక్కడ క్లిక్ చేయండి.