మద్యం ప్రియులకు ముఖ్య గమనిక.. బీరు తాగుతూ వీటిని తింటున్నారా..? ఇది తెలుసుకోండి..

Beer

Follow us on

భారతదేశంలో దాదాపు 30% మందికి బీర్ తాగే అలవాటు ఉందని నివేదికలు చెబుతున్నాయి. బీర్ అనేది ప్రపంచంలో అత్యంత పురాతనమైన, అత్యంత విస్తృతంగా వినియోగించబడే పానీయం. బార్లీ, గోధుమలు, మొక్కజొన్న, బియ్యం వంటి ధాన్యాల నుండి తయారైన పిండి పదార్ధాల నుండి బీర్ తయారు చేస్తారు. కొంచెం వైన్ లేదంటే బీర్ తాగడం వల్ల శరీరం ఫిట్‌గా ఉంటుదని కొందరు అంటున్నారు. కానీ ఖాళీ కడుపుతో బీర్, ఆల్కహాల్‌తో తగని ఆహారాన్ని తీసుకోవడం అనారోగ్యానికి దారితీస్తుందని కూడా గుర్తుంచుకోవాలి. బీరు తాగున్నప్పుడు స్టఫ్‌గా ఇలాంటి ఆహారాలను పొరపాటున కూడా తీసుకోవద్దని ఆరోగ్య నిపుణులు హెచ్చరిస్తున్నారు.

బీర్‌తో కలిసి తినకూడని ఆహారాలు..

రొట్టె, బ్రెడ్‌తో చేసిన ఆహారాన్ని బీరుతో తినకూడదు. ఈ రెండు ఉత్పత్తులు ఈస్ట్‌ను కలిగి ఉంటాయి. అప్పుడు మీ శరీరం అధిక మొత్తంలో తీసుకునే ఈస్ట్‌ను జీర్ణం చేయదు. దీని కారణంగా జీర్ణ సమస్యలు తలెత్తుతాయి.

చాక్లెట్‌లో కెఫిన్, కొవ్వు, కోకో కూడా ఉంటాయి. బీరుతో కలిపి తింటే జీర్ణ సమస్యలు వస్తాయి.

బీర్‌తో పాటు స్పైసీ ఫుడ్ తీసుకోవడం ఆరోగ్యానికి హానికరం. స్పైసీ ఫుడ్స్‌లో క్యాప్సైసిన్ ఉంటుంది. ఇది కడుపు చికాకు, ఇతర సమస్యలను కలిగిస్తుంది

సాల్టెడ్ వేరుశెనగ, డ్రై ఫ్రూట్స్‌ని బీరుతో తినడానికి చాలా మంది ఇష్టపడతారు. ఇందులో సోడియం ఎక్కువగా ఉంటుంది. ఇది డీహైడ్రేషన్ సమస్యలకు దారి తీస్తుంది. ఇది అధిక రక్తపోటు ప్రమాదాన్ని పెంచుతుంది.

బీర్‌తో కలిపి బర్గర్‌లు, ఫ్రెంచ్ ఫ్రైస్ వంటి అధిక సాల్టెడ్‌ స్నాక్స్‌ను నివారించండి. ఇది మీ జీర్ణవ్యవస్థను దెబ్బతీస్తుంది. ఉప్పుగా ఉండే ఆహారాలు దాహాన్ని పెంచుతాయి. అలాగే, బీర్ మూత్రవిసర్జన ప్రభావాన్ని అధికం చేస్తుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని ఆరోగ్య సంబంధిత వార్తల కోసం క్లిక్ చేయండి..