Gene Mutation: ప్రతి ఏడుగురిలో ఒకరికి మనోవైకల్యం.. అధ్యయనాలు ఏం చెబుతున్నాయి?
మనసు.. మనిషి జీవితంలో అత్యంత ముఖ్యమైనది. కానీ, మనోవైకల్యాలు, షిజోఫ్రీనియా, యాంగ్జైటీ(అతి ఆందోళన), డిప్రెషన్ (కుంగుబాటు) వంటివి ప్రపంచవ్యాప్తంగా లక్షలాది మందిని బాధిస్తున్నాయి. వరల్డ్ హెల్త్ ఆర్గనైజేషన్ (WHO) రిపోర్టు ప్రకారం, ప్రపంచంలో జీవిస్తున్న ప్రతి ఏడుగురురిలో ఒకరు మానసిక ఆరోగ్య ..
మనసు.. మనిషి జీవితంలో అత్యంత ముఖ్యమైనది. కానీ, మనోవైకల్యాలు, షిజోఫ్రీనియా, యాంగ్జైటీ(అతి ఆందోళన), డిప్రెషన్ (కుంగుబాటు) వంటివి ప్రపంచవ్యాప్తంగా లక్షలాది మందిని బాధిస్తున్నాయి. వరల్డ్ హెల్త్ ఆర్గనైజేషన్ (WHO) రిపోర్టు ప్రకారం, ప్రపంచంలో ప్రతి ఏడుగురురిలో ఒకరు మానసిక ఆరోగ్య సమస్యలతో బాధపడుతున్నారు. ఇవి మాత్రమే కాదు, ఇటీవల జర్మన్ శాస్త్రవేత్తల పరిశోధనలో మనోవైకల్యాలకు జన్యు కారకాలు కీలకమని వెల్లడైంది. GRIN2A జన్యులో జరిగే మ్యూటేషన్లు ఈ సమస్యలకు ప్రధాన కారణమని తేలింది. ఈ కొత్త ఆవిష్కరణ మానసిక ఆరోగ్య చికిత్సకు అవకాశాలు ఉన్నాయనే ఆశ కల్పించింది.
జన్యులోపంతో మనోవైకల్యం..
జర్మన్ శాస్త్రవేత్తలు 121 మంది GRIN2A జన్యు లోపాలతో బాధపడుతున్న వ్యక్తులపై జరిపిన పరిశోధనలో ఈ విషయం తేలింది. GRIN2A మెదడులో కణాల మధ్య విద్యుత్ సంకేతాల ప్రసారంలో కీలక పాత్ర పోషిస్తుంది. ఇది NMDA (N-methyl-D-aspartate) రిసెప్టర్ను నియంత్రిస్తుంది, ఇది మెదడు సమాచార వ్యవహారానికి అవసరం. మ్యూటేషన్ జరగడంతో ఈ రిసెప్టర్ పనిచేయకుండా పోతుంది, ఫలితంగా మెదడు కణాల మధ్య సంకేతాలు దెబ్బతింటాయి.
దీని వల్ల షిజోఫ్రీనియా వంటి తీవ్ర మానసిక వ్యాధులు, యాంగ్జైటీ, డిప్రెషన్ వంటివి ఏర్పడతాయి. ఆసక్తికరంగా, ఈ లక్షణాలు బాధితుల్లో చాలావరకు బాల్యంలోనే కనిపిస్తాయి. ఇది మానసిక సమస్యలు కేవలం ఒత్తిడి లేదా పర్యావరణ కారణాల వల్ల మాత్రమే కాక, జన్యు లోపాల వల్ల కూడా వస్తాయని నిరూపిస్తోంది.
NMDA రిసెప్టర్ను ఉత్తేజపరచడం ద్వారా లక్షణాలను తగ్గించవచ్చు. L-సెరీన్ ఉపయోగించి ప్రయోగాలు చేసినప్పుడు, మానసిక లక్షణాలు గణనీయంగా తగ్గాయి. ఇది భవిష్యత్ చికిత్సలకు మార్గం సుగమం చేస్తుంది. భారతదేశంలో మానసిక ఆరోగ్య సమస్యలు తీవ్ర సమస్యగా మారాయి. నేషనల్ మెంటల్ హెల్త్ సర్వే (2015-16) ప్రకారం, 10-15% మంది డిప్రెషన్తో బాధపడుతున్నారు, మహిళల్లో ఇది ఎక్కువ. కోవిడ్-19 తర్వాత ఈ సంఖ్య 25% పెరిగింది. జన్యు పరిశోధనలు ఇక్కడ కీలకం – జెనెటిక్ టెస్టింగ్ ద్వారా ముందుగానే గుర్తించి చికిత్స తీసుకోవచ్చు.
జాగ్రత్తలు తప్పనిసరి..
కుటుంబ చరిత్రలో మానసిక సమస్యలు ఉంటే, GRIN2A వంటి జన్యు టెస్టులు చేయించుకోవాలి. NMDA రిసెప్టర్ను టార్గెట్ చేసే కణాలు, మెడిటేషన్, కాగ్నిటివ్ థెరపీలు ప్రయత్నించాలి. సాధారణ వ్యాయామం, ఆరోగ్యకరమైన ఆహారం, తగినంత నిద్ర మెదడు ఆరోగ్యాన్ని పెంచుతాయి. మనోవైకల్య లక్షణాలు కనిపించిన వెంటనే సైకియాట్రిస్ట్ను సంప్రదించాలి.