Health Tips: గుమ్మడికాయ గింజలను వీరు మాత్రం తినొద్దు.. ఎందుకంటే..

Pumpkin Seeds

గుమ్మడికాయ గింజలు చాలా ప్రయోజనాలను కలిగి ఉన్నాయని అంటారు. ఇందులో కొవ్వు ఆమ్లాలు, భాస్వరం, పొటాషియం, జింక్ లాంటి అవసరమైన అమైనో ఆమ్లాలు, ఫినోలిక్ సమ్మేళనాలు కలిగి ఉంటాయి. ఈ గింజలను తీసుకోవడం వల్ల మధుమేహం, గుండె జబ్బులు, కండరాలు/ఎముకల నొప్పి, జుట్టు రాలడం, మొటిమలను నియంత్రించేందుకు ఉపయోగపడతాయి.

గుమ్మడికాయ అనేక పోషకాలను కలిగి ఉన్న హెల్త్ బ్యాంక్. ఇది తినడానికి రుచికరమైనది. గుమ్మడి వంటను వివిధ రకాలుగా తయారు చేయవచ్చు. గుమ్మడికాను తిన్న తర్వాత దాని విత్తనాలను విసిరివేస్తారు. అయితే, దీని విత్తనాలలో ఫైబర్, విటమిన్ ఎ, సి, ఇ, ఐరన్, కాల్షియం, నియాసిన్, రిబోఫ్లేవిన్, జింక్ , ఫోలేట్ వంటి పోషకాలు పుష్కలంగా ఉన్నాయి. ఇందులో విటమిన్ ఇ ఉంటుంది. ఇది చర్మం , జుట్టుకు చాలా ఉపయోగకరంగా ఉంటుంది.

గుమ్మడికాయ గింజలను ఎండబెట్టి పొడి చేయడం ద్వారా ఉపయోగించవచ్చు. మీరు దీనిని సూప్‌లు, సలాడ్లు , తీపి వంటలలో ఉపయోగించవచ్చు. ఈ విత్తనాన్ని తినేటప్పుడు, దాని పరిమాణంపై ప్రత్యేక శ్రద్ధ ఉండాలి. ప్రత్యేకించి మీరు ఒకరకమైన శారీరక అనారోగ్యంతో బాధపడుతుంటే గుమ్మడి గింజలు తినే ముందు ఖచ్చితంగా వైద్యుడిని సంప్రదించండి. ఏ వ్యక్తులు దీనిని తినకూడదో  ముందుగా తెలుసుకోండి.

పాలిచ్చే తల్లులు

గర్భిణీలు, పాలిచ్చే మహిళలు గుమ్మడి గింజలను మితంగా తీసుకోవాలి. అయితే ఇది గర్భిణీ , పాలిచ్చే మహిళలకు హానికరం అని ప్రచారంలో ఉంది. అలా  అని ఎలాంటి శాస్త్రీయ ఆధారాలు లేవు.

మధుమేహ రోగులు

డయాబెటిక్ రోగులకు గుమ్మడికాయ గింజలు ప్రయోజనకరంగా ఉంటాయని అనేక పరిశోధనలలో వెల్లడైంది. ఎందుకంటే ఇది రక్తంలో చక్కెరను నియంత్రించడంలో సహాయపడుతుంది. మీ రక్తంలో గ్లూకోజ్ స్థాయి తక్కువగా ఉంటే  వైద్యుడిని సంప్రదించిన తర్వాత మాత్రమే తినండి. మధుమేహాన్ని నియంత్రించడానికి విత్తనాలు, గుమ్మడికాయ ఆకులు, గుజ్జును ఆహారంలో చేర్చుకోవచ్చు.

క్యాన్సర్ నిరోధకంగా..

గుమ్మడికాయ గింజలలో యాంటీఆక్సిడెంట్, యాంటీ ఇన్ఫ్లమేటరీ, యాంటీమైక్రోబయల్, యాంటీ ఆర్థరైటిక్‌తోపాటు యాంటీ డయాబెటిక్ లక్షణాలు ఉన్నాయి. ఇవి క్యాన్సర్, మూత్రాశయ ఇన్ ఫెక్షన్‌లు రాకుండా కాపాడతాయి.

లో బీపీ ఉన్నవారు తినవద్దు

గుమ్మడికాయ గింజల్లో యాంటీ ఆక్సిడెంట్లు పుష్కలంగా ఉంటాయి. ఇవి రక్తపోటు స్థాయిలను తగ్గించడంలో సహాయపడతాయి. ఒకవేళ మీకు లో బీపీ ఉన్నట్లయితే.. అది వైద్యుడిని సంప్రదించిన తర్వాత మాత్రమే తీసుకోవాలి.

కడుపు సమస్యలు

గుమ్మడికాయలో ఫైబర్ అధికంగా ఉంటుంది. ఇది జీర్ణక్రియకు చాలా మంచిది. మీరు దానిని అధిక పరిమాణంలో తింటే అతిసారం సమస్య ఉండవచ్చు. ఇది కాకుండా ఇది కడుపు నొప్పి, తిమ్మిరి, ఉబ్బరం పెంచుతుంది.

ఇవి కూడా చదవండి: Powerball Winner: ఒకే ఒక్కడు విజేత.. ఐదువేలు కోట్ల లాటరీ గెలిచాడు.. రాత్రికి రాత్రి కుబేరుడయ్యాడు..

Cheddi Gang: తిరుపతివాసుల్లో వణుకుపుట్టిస్తున్న చెడ్డీ గ్యాంగ్.. ఛాలెంజింగ్‌గా తీసుకున్న పోలీసులు..