Coffee Side Effects: మీరు కాఫీ ప్రియులా..? ఎలా బయటపడాలో తెలియటం లేదా..? ఇలా ట్రై చేయండి ఆరోగ్యానికి మంచిది..!

Coffee Side Effects

Coffee Side Effects: చాలా మందికి ఉయదం నిద్రలేవగానే..కప్పు కాఫీ కడుపులో పడంది ఏ పనీ సాగదు..ప్రస్తుత ఉరుకులు, పరుగుల జీవితంలో కాఫీ మంచి రిఫ్రెష్‌మెంట్‌గా ఫీల్‌ అవుతారు కాఫీ ప్రియులు. అలానే చాలా మంది కెఫిన్‌కు బానిసలయ్యారు. అయితే, ఇక్కడ రోజు ప్రారంభంలో లేదంటే సాయంత్రం మాత్రమే టీ, కాఫీని తాగాలని, రోజంతా అనేక సార్లు కెఫిన్ తీసుకోవటం ఆరోగ్యానికి అంత మంచిదికాదంటున్నారు నిపుణులు. మీరు రోజుకు ఎనిమిది నుండి పది కప్పుల కాఫీ తాగితే, మీరు అప్రమత్తంగా ఉండాల్సిందేనంటున్నారు.. ఇది మీకు అనేక ఆరోగ్య సమస్యలను కలిగిస్తుంది. అందుకే మీరు నిజంగా ఈ కెఫిన్ వ్యసనాన్ని వదలివేయాలనుకుంటే ముందుగా మానసికంగా మిమ్మల్ని మీరు సిద్ధం చేసుకోవడం ముఖ్యం. ఏదైనా లక్ష్యాన్ని సాధించాలంటే సంకల్ప శక్తి చాలా ముఖ్యం. ఈ నియమం కెఫిన్ వ్యసనానికి కూడా వర్తిస్తుంది.

ఈ వ్యసనాన్ని విడిచిపెట్టడం వల్ల కలిగే ప్రయోజనాలు, అధిక కెఫిన్ మీకు ఎలా హాని కలిగిస్తుందో మీరు మానసికంగా తెలుసుకుంటే  మంచిది. మీరు ఇలా చేసినప్పుడు మీరు సగం యుద్ధంలో గెలిచారని అర్థం చేసుకోండి. మీకు కెఫిన్ కలిగిన పానీయాలు తాగే అలవాటు ఉంటే, మీరు దానిని మానేయాలనుకుంటే, మీరు వేరే డ్రింక్ రీప్లేస్‌మెంట్‌ను ప్రయత్నించవచ్చు. ఎక్కువ నీరు త్రాగడానికి ప్రయత్నించండి. ఇది మీకు మరింత శక్తివంతంగా అనిపించడంలో సహాయపడుతుంది. అదనంగా, మీరు గ్రీన్ టీ, పండ్ల రసం తీసుకోవచ్చు.

కొంతమంది తమ కెఫిన్ వ్యసనాన్ని వదిలించుకోవాలనుకున్నప్పుడు.. వారు వెంటనే టీ,కాఫీ తాగడం మానేస్తారు. అయితే, మీరు అలా చేయకుండా ఉండాలి. వాస్తవానికి మీరు టీ, కాఫీ తాగడం పూర్తిగా మానేసినప్పుడు మీ శరీరం ఈ మార్పుతో సర్దుబాటు చేయలేరు. అలాంటి వ్యక్తులు తీవ్రమై తలనొప్పి సహా అనేక సమస్యలను ఎదుర్కొంటారు. కాబట్టి, దాని మొత్తాన్ని క్రమంగా తగ్గించడానికి ప్రయత్నించండి. ఉదాహరణకు, మీరు రోజుకు 10-12 సార్లు కాఫీ తాగితే, 6-8 సార్లు తర్వాత కాఫీ తీసుకోండి. మీరు కావాలనుకుంటే పెద్ద కప్పుకు బదులుగా ఒక చిన్న కప్పు లేదా అర కప్పు కాఫీ తీసుకోండి.

కెఫిన్ వ్యసనాన్ని వదలివేయడానికి ఒక మార్గం వ్యాయామాన్ని మీ దినచర్యలో భాగంగా చేసుకోవడం. మీరు క్రమం తప్పకుండా వ్యాయామం చేసినప్పుడు, ఇది రోజంతా మీ శరీరాన్ని చురుకుగా ఉంచుతుంది. మీరు ప్రత్యేకంగా కెఫిన్ తీసుకోవలసిన అవసరం లేదు. దీనితో పాటు, మీరు క్రమంగా కెఫిన్ అలవాటును వదిలించుకుంటారు.

మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి