HPV Vaccine: మహిళలకు కేంద్రం గుడ్న్యూస్.. ఉచితంగా హెచ్పీవీ వ్యాక్సిన్.. దీని ఉపయోగమేంటి?
HPV Vaccine: కేంద్ర ప్రభుత్వం మహిళలు, ఆడపిల్లల కోసం ఉచిత HPV వ్యాక్సినేషన్ కార్యక్రమాన్ని ప్రారంభించింది. ఈ వ్యాక్సిన్ వల్ల ఎన్నో ఉపయోగాలు ఉన్నాయి. ఈ వ్యాక్సిన్ వేయించుకోవాలంటే సుమారు 10 వేల రూపాయల వరకు అవుతుంది. కానీ కేంద్రం దీనిని మహిళలకు ఉచితంగా అందించాలని నిర్ణయించింది. ఈ వ్యాక్సిన్ను ప్రభుత్వ కేంద్రాలలో ఉచితంగా పొందవచ్చు..
HPV Vaccine: గర్భాశయ క్యాన్సర్ను నివారించే లక్ష్యంతో కేంద్ర ప్రభుత్వం మహిళలు, ఆడపిల్లలకు ఉచిత HPV వ్యాక్సినేషన్ను అందిస్తోంది. హ్యూమన్ పాపిలోమా వైరస్ (HPV) వల్ల కలిగే ఈ క్యాన్సర్ ప్రతి సంవత్సరం 80,000 మంది మహిళలను బాధితులుగా మారుస్తుంది. వీరిలో 42,000 మందికి పైగా ప్రాణాలు కోల్పోతున్నారు. అంటే రోజుకు సగటున 115 మరణాలు సంభవిస్తున్నాయి.
ఈ వ్యాక్సినేషన్ ప్రైవేట్గా తీసుకుంటే రూ.10,000 కంటే ఎక్కువ ఖర్చవుతుంది. అయితే కేంద్ర ప్రభుత్వం దీన్ని ఉచితంగా అందించాలని నిర్ణయించింది. 9 నుండి 14 సంవత్సరాల ఆడపిల్లలకు రెండు డోసులు, 15 నుండి 45 సంవత్సరాల మహిళలకు మూడు డోసులు తప్పనిసరి. ఈ వ్యాక్సిన్ పేరు గరడాసిల్.
ఇది కూడా చదవండి: మీరు హైవేపై కారులో రయ్యుమంటూ స్పీడ్గా వెళ్తున్నారా? ఇది తెలుసుకోవాల్సిందే!
ఈ కార్యక్రమాన్ని ఫిబ్రవరి 28న రాజస్థాన్లోని అజ్మీర్లో ప్రధానమంత్రి మోడీ ప్రారంభించారు. 2024 కేంద్ర బడ్జెట్లోనే దీని గురించి ప్రకటించారు. ప్రతి సంవత్సరం 1.15 కోట్ల మంది 14 ఏళ్లలోపు ఆడపిల్లలకు వ్యాక్సినేషన్ అందించాలని ప్రభుత్వం లక్ష్యంగా పెట్టుకుంది. ప్రాథమిక ఆరోగ్య కేంద్రాలు, కమ్యూనిటీ హెల్త్ సెంటర్లు, సబ్ డిస్ట్రిక్ట్ హాస్పిటల్లు, డిస్ట్రిక్ట్ హాస్పిటల్లు, ప్రభుత్వ వైద్య కళాశాలల్లో ఈ వ్యాక్సిన్ను పొందవచ్చు. ఫిబ్రవరి 28 తర్వాత అర్హతలు, లభించే ప్రదేశాలు, ఇతర నిబంధనల పూర్తి వివరాలు ప్రకటిస్తారు.
మరిన్ని జాతీయ వార్తల కోసం ఇక్కడ క్లిక్ చేయండి