Breaking News
  • సికింద్రాబాద్‌-మచిలీపట్నం మధ్య ప్రత్యేక రైళ్లు. డిసెంబర్‌ 1,8,15,22,29 తేదీల్లో నడవనున్న ప్రత్యేక రైళ్లు. మచిలీపట్నంలో మధ్యాహ్నం 2:25కి బయల్దేరి.. రాత్రి 10:10కి సికింద్రాబాద్‌కు చేరుకోనున్న ప్రత్యేక రైలు. అదేరోజు సికింద్రాబాద్‌ నుంచి రాత్రి 11:55కి బయల్దేరి.. మరుసటి రోజు ఉ.8:55కి మచిలీపట్నం చేరుకోనున్న ప్రత్యేక రైలు.
  • ఏపీకి నెంబర్లు కేటాయించిన కేంద్రం. అక్రమ మైనింగ్‌, అనధికార మద్యం అమ్మకాలపై.. ఫిర్యాదులకు నెంబర్లు కేటాయించిన కేంద్ర సర్కార్‌. అక్రమ మైనింగ్‌పై ఫిర్యాదు కోసం 14400 నెంబర్‌.. అనధికార మద్యంపై ఫిర్యాదుకు 14500 నెంబర్‌ కేటాయింపు.
  • మళ్లీ పెరిగిన బంగారం ధరలు. పెళ్లిళ్ల సీజన్‌ కొనుగోళ్లతో పెరిగిన పసిడి ధరలు. 10గ్రాముల 24క్యారెట్ల బంగారంపై రూ.225 పెంపు. రూ.38,715 పలుకుతున్న 10గ్రాముల బంగారం. రూ.440 పెరిగి రూ.45,480కి చేరిన కిలో వెండి ధర.
  • ఛండీగడ్‌: 2019 ప్రపంచ కబడ్డీ కప్‌కు పంజాబ్ ఆతిథ్యం. డిసెంబర్‌ 1 నుంచి 9 వరకు మ్యాచ్‌ల నిర్వహణ. సుల్తాన్‌పూర్‌ లోధిలోని గురునానక్‌ స్టేడియంలో ప్రారంభ వేడుక. ప్రపంచ కబడ్డీ టోర్నీలో పాల్గొననున్న భారత్, అమెరికా, శ్రీలంక.. ఆస్ట్రేలియా, ఇంగ్లాండ్, కెన్యా, న్యూజిలాండ్‌, పాకిస్తాన్‌, కెనడా జట్లు.
  • ఓటర్ల జాబితా సవరణకు కొత్త షెడ్యూల్‌ విడుదల. జనవరి 1, 2020 అర్హత తేదీతో ఓటర్ల జాబితా సవరణ. ఓటర్ల వివరాల పరిశీలనకు ఈనెల 30 తుది గడువు. డిసెంబర్‌ 16న ఓటర్ల జాబితా ముసాయిదా ప్రచురణ. 2020, జనవరి 15న అభ్యంతరాలు, వినతుల స్వీకరణ.
  • టిక్‌టాక్‌కు పోటీగా త్వరలో ఇన్‌స్టాగ్రామ్‌ కొత్త ఫీచర్‌. రీల్స్‌ పేరిట ఓ కొత్త ఫీచర్‌ అందుబాటులోకి. ఇన్‌స్టాగ్రామ్‌లోని ఎక్స్‌ప్లోర్‌ సెక్షన్‌లో కొత్త ఫీచర్. కొత్త ఫీచర్‌లో టిక్‌టాక్ మాదిరిగా వీడియోలు క్రియేట్‌ చేసే సౌకర్యం.

కేబుల్ టీవీ యూజర్లకు గుడ్ న్యూస్.. 150 ఛానెల్స్ ఇకపై రూ.130కే..

దసరా పండుగ సందర్భంగా కేబుల్ టీవీ యూజర్లు శుభవార్త. ఇకపై 150 ఛానెల్స్‌ను కేవలం రూ.130కే వీక్షించవచ్చు. జనాలకు మరింత చేరువ కావడానికి కేబుల్ టీవీ ప్రొవైడర్ల అసోసియేషన్ ఈ నిర్ణయం తీసుకుంది. ప్రస్తుతం కేబుల్ టీవీ ప్రొవైడర్లు నెట్వర్క్ కెపాసిటీ ఫీజ్ కింద రూ.130ను వసూల్ చేస్తున్నారు. ఇకపోతే ఆల్ ఇండియా డిజిటల్ కేబుల్ ఫెడరేషన్(ఏఐడిసిఎఫ్) ఇండియాలోని 80 శాతం కేబుల్ యూజర్లకు సేవలు అందిస్తున్న సంగతి తెలిసిందే. దీని సభ్యులైన హాత్‌వే డిజిటల్, ఇన్‌డిజిటల్, సిటీ నెట్వర్క్స్, జీటీపీఎల్ హాత్‌వే, ఫాస్ట్‌వే ట్రాన్స్‌మిషన్, డీఈఎన్ నెట్వర్క్స్, యూసీఎన్ కేబుల్, ఆర్టెల్ కమ్యూనికేషన్స్, ఐసీఎన్‌సీఎల్, ఏషియానెట్ డిజిటల్, కేరళ కమ్యూనికేటర్స్ కేబుల్ ఇటీవల చర్చలు జరిపి రూ.130కే 150 ఎస్‌డీ ఛానెల్స్‌ను యూజర్లకు అందించాలని నిర్ణయం తీసుకున్నారు. ఇక ఈ విషయాన్ని AIDCF అధ్యక్షుడు ఎస్ఎన్ శర్మ స్పష్టం చేశారు. అయితే ఈ నిర్ణయానికి ట్రాయ్ అనుమతి ఉందా లేదా అనేది ఇంకా తెలియాల్సి ఉంది.

మరోవైపు ట్రాయ్ రూ.130కు 100 ఛానెల్స్‌ను ప్రొవైడ్ చేయాలని షరతులు విధించిన సంగతి తెలిసిందే. ఇందులో అన్ని రకాల ఫ్రీ ఛానెల్స్‌తో పాటుగా పెయిడ్ ఛానళ్ళు కూడా ఉంటాయి. ఇక 150 ఛానెల్స్ కావాలంటే రూ.40 అదనంగా చెల్లించాల్సి ఉంటుంది. కానీ రూ.130 కేబుల్ బిల్లుకే ఏకంగా 150 ఛానెళ్లు ఇచ్చేందుకు డిజిటల్ మల్టీ సిస్టమ్ ఆపరేటర్స్‌కు అనుబంధంగా పనిచేస్తున్న ఆల్ ఇండియా డిజిటల్ కేబుల్ ఫెడరేషన్ నిర్ణయించింది. అంతేకాక ట్రాయ్ కొత్త నిబంధనలు అమలులోకి వచ్చిన తర్వాత 25% యూజర్లు కేబుల్ నుంచి డీటీహెచ్ సర్వీసుల వైపు మారారు. మరి ఇప్పుడు కేబుల్ ప్రొవైడర్ల కొత్త నిర్ణయం వారికి ఎంతవరకు ఉపయోగపడుతుందో వేచి చూడాలి.