మంచువారి ‘ఎన్టీఆర్’ సిరీస్.. తెరపైకి ‘నందమూరి’ సీక్రెట్స్..!
దివంగత మాజీ ముఖ్యమంత్రి, నటసార్వభౌమ ఎన్టీఆర్ జీవితం గురించి అందరికి తెలిసింది చాలా తక్కువే. ముఖ్యంగా రాజకీయాల్లోకి వచ్చిన తరువాత ఆయన జీవితంలో జరిగిన మలుపుల గురించి ఒక్కొక్కరు ఒక్కో విధంగా చెబుతుంటారు. ఇక ఆయన జీవిత అంశాల ఆధారంగా వచ్చిన సినిమాలలో కూడా అన్ని వివరాలు చూపించలేదు. ఇదిలా ఉంటే తాజా సమాచారం ప్రకారం ఎన్టీఆర్‌కు సంబంధించిన రహస్యాలపై వెబ్‌సిరీస్ రానున్నట్లు తెలుస్తోంది. ‘చదరంగం’ పేరుతో తెరకెక్కబోతున్న వెబ్‌సిరీస్‌లో ఎన్టీఆర్ రహస్యాలను చూపించబోతున్నారట. అనంత ఈ […]
దివంగత మాజీ ముఖ్యమంత్రి, నటసార్వభౌమ ఎన్టీఆర్ జీవితం గురించి అందరికి తెలిసింది చాలా తక్కువే. ముఖ్యంగా రాజకీయాల్లోకి వచ్చిన తరువాత ఆయన జీవితంలో జరిగిన మలుపుల గురించి ఒక్కొక్కరు ఒక్కో విధంగా చెబుతుంటారు. ఇక ఆయన జీవిత అంశాల ఆధారంగా వచ్చిన సినిమాలలో కూడా అన్ని వివరాలు చూపించలేదు. ఇదిలా ఉంటే తాజా సమాచారం ప్రకారం ఎన్టీఆర్‌కు సంబంధించిన రహస్యాలపై వెబ్‌సిరీస్ రానున్నట్లు తెలుస్తోంది.
‘చదరంగం’ పేరుతో తెరకెక్కబోతున్న వెబ్‌సిరీస్‌లో ఎన్టీఆర్ రహస్యాలను చూపించబోతున్నారట. అనంత ఈ సిరీస్‌కు దర్శకత్వం వహిస్తుండగా.. మంచు విష్ణు నిర్మిస్తుండటం విశేషం. ఇక ఈ సిరీస్‌లో ఫ్యామిలీ నటుడు శ్రీకాంత్, ఎన్టీఆర్ పాత్రలో కనిపించబోతున్నారట. కాగా ఈ సిరీస్‌కు కావాల్సిన ఇన్‌పుట్స్‌ను విలక్షణ నటుడు మోహన్ బాబు ఇచ్చినట్లు తెలుస్తోంది.
ఎన్టీఆర్‌తో మోహన్ బాబుకు మంచి సాన్నిహిత్యం ఉండేదన్న విషయం తెలిసిందే. ఎన్టీఆర్‌తో కలిసి పలు చిత్రాల్లో నటించిన మోహన్ బాబు.. ఆ తరువాత ఆయన పిలుపు మేరకే రాజకీయాల్లోకి వచ్చారు. ఇక ఎన్టీఆర్ చివరి రోజుల్లోనూ మోహన్ బాబు ఆయనతో ఉన్నారు. ఈ నేపథ్యంలో ఎన్టీఆర్‌కు సంబంధించిన చాలా రహస్యాలు విలక్షణ నటుడి దగ్గర ఉండగా.. ఆ వివరాలతోనే ఈ సిరీస్‌ను తెరకెక్కించాలని అనుకున్నట్లు తెలుస్తోంది. అంతేకాదు దీనికి సంబంధించిన పనులు కూడా ప్రారంభమయ్యాయని., త్వరలోనే ఓ ఆన్‌లైన్ ఫ్లాట్‌ఫాంలో చదరంగం విడుదల కానుందని సమాచారం.