మ్యాడ్ 2 సినిమాలో స్పెషల్ సాంగ్‌లో క్రేజీ బ్యూటీ.. ఎవ్వరూ ఊహించని హీరోయిన్ ఆమె
బ్లాక్ బస్టర్ చిత్రం ‘మ్యాడ్’కి సీక్వెల్ గా రూపొందుతోన్న ‘మ్యాడ్ స్క్వేర్’ కోసం సినీ ప్రియులంతా ఎంతో ఆసక్తిగా ఎదురుచూస్తున్నారు. నార్నే నితిన్, సంగీత్ శోభన్, రామ్ నితిన్, విష్ణు ఓఐ ప్రధాన పాత్రలు పోషిస్తున్న ఈ చిత్రానికి కళ్యాణ్ శంకర్ దర్శకత్వం వహిస్తున్నారు. సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్, శ్రీకర స్టూడియోస్ పతాకాలపై హారిక సూర్యదేవర, సాయి సౌజన్య నిర్మిస్తున్నారు.
2023లో విడుదలైన “మ్యాడ్” కి సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. ఈ సినిమాకు సీక్వెల్ గా “మ్యాడ్ 2”. మొదటి భాగం యువతలో విపరీతమైన ఆదరణ పొంది. బాక్సాఫీస్ వద్ద బ్లాక్‌బస్టర్ హిట్‌గా నిలిచింది. ఈ నేపథ్యంలో “మ్యాడ్ 2″పై కూడా ప్రేక్షకుల్లో భారీ అంచనాలు నెలకొన్నాయి. “మ్యాడ్” సినిమాలో నార్నే నితిన్, సంగీత్ శోభన్, రామ్ నితిన్ ప్రధాన పాత్రల్లో నటించారు. కాలేజీ జీవితంలోని హాస్యం, సరదా సన్నివేశాలతో ఈ చిత్రం ప్రేక్షకులను బాగా ఆకట్టుకుంది.
“మ్యాడ్ 2″లో కథ ముగ్గురు హీరోల ఫ్యామిలీ లైఫ్ చుట్టూ తిరుగుతుందని తెలుస్తుంది.. కొత్త హీరోయిన్‌లు ఈ సినిమాలో చేరనున్నారని, శ్రీగౌరి ప్రియా, అనంతిక స్థానంలో మరో ముగ్గురు నాయికలు కనిపించనున్నారని తెలుస్తోంది. మ్యాడ్ సినిమాకు కల్యాణ్ శంకర్ దర్శకత్వం వహించారు. ఈ సీక్వెల్‌కు కూడా ఆయనే దర్శకుడిగా వ్యవహరిస్తున్నాడు. సితార ఎంటర్‌టైన్‌మెంట్స్ మరియు ఫార్చ్యూన్ ఫోర్ సినిమాస్ బ్యానర్‌లపై ఈ చిత్రం నిర్మితమవుతోంది.
భీమ్స్ సిసిరోలియో సంగీతం అందిస్తున్నారు. ఇప్పటికే “లడ్డూగాని పెళ్లి” అనే పాట విడుదలై మంచి ఆదరణ పొందింది.
అలాగే షూటింగ్ ఇప్పటికే పూర్తయినట్లు తెలుస్తోంది, ప్రస్తుతం పోస్ట్-ప్రొడక్షన్ పనులు జరుగుతున్నాయి. విడుదల తేదీ ఇంకా అధికారికంగా ప్రకటించలేదు, కానీ 2025 ఏప్రిల్‌లో రిలీజ్ అయ్యే అవకాశం ఉందని అంచనా వేస్తున్నారు.”మ్యాడ్ 2″ కూడా యువతను ఆకట్టుకునే కామెడీ ఎంటర్‌టైనర్‌గా రూపొందుతోంది. ఫన్ ఎలిమెంట్స్, కొత్త కథతో ఈ సినిమా మరోసారి బాక్సాఫీస్ వద్ద సందడి చేసే అవకాశం ఉంది. ఇక ఈ సినిమాలో స్పెషల్ సాంగ్ లో ఓ స్టార్ హీరోయిన్ నటిస్తుందని తెలుస్తుంది. ఆమె ఎవరో కాదు తెలుగమ్మాయి ప్రియాంక జవల్కర్. ఈ ముద్దుగుమ్మ “టాక్సీవాలా” (2018) వంటి చిత్రాలతో పాపులర్ అయ్యింది. ఆమె గతంలో స్పెషల్ సాంగ్స్‌లో నటించిన రికార్డు లేనప్పటికీ, ఇప్పుడు మొదటిసారి స్పెషల్ సాంగ్ చేస్తుందని టాక్ వినిపిస్తుంది. ఇటీవలే ఈ అమ్మడి పోస్టర్ ను విడుదల చేశారు. ఈ బ్యూటీకి యువతలో మంచి క్రేజ్ ఉంది. దాంతో మ్యాడ్ 2 సినిమాకు మంచి మైలేజ్ వస్తుందని టీమ్ భావిస్తున్నారు.
మరిన్ని సినిమా వార్తల కోసం ఇక్కడ క్లిక్ చేయండి..