Daggubati Venkatesh: వెంకటేష్ సరసన హీరోయిన్ గా పాన్ ఇండియా బ్యూటీ..?
యంగ్ హీరోలతో మల్టీస్టారర్ సినిమాలు చేస్తూ ప్రేక్షకులను ఆకట్టుకుంటున్నారు వెంకీ. ఓ వైపు సోలోగా సినిమాలు చేస్తూనే మరో వైపు మల్టీ స్టారర్ సినిమాలు చేస్తున్నారు. ఇటీవలే ఎఫ్ 3 సినిమాతో హిట్ అందుకున్న వెంకీ..
సీనియర్ హీరోలలో వెంకటేష్ ది సపరేట్ స్టైల్.. ఆయన ఎంచుకునే సినిమాలు ప్రేక్షకులను విపరీతంగా ఆకట్టుకుంటాయి. యంగ్ హీరోలతో మల్టీస్టారర్ సినిమాలు చేస్తూ ప్రేక్షకులను ఆకట్టుకుంటున్నారు వెంకీ. ఓ వైపు సోలోగా సినిమాలు చేస్తూనే మరో వైపు మల్టీ స్టారర్ సినిమాలు చేస్తున్నారు. ఇటీవలే ఎఫ్ 3 సినిమాతో హిట్ అందుకున్న వెంకీ.. యంగ్ హీరో విశ్వక్ సేన్ నటించిన ఓరి దేవుడా సినిమాలో కీలక పాత్రలో నటించారు. ఇక ఇప్పుడు వెంకీ మరో ఇంట్రెస్టింగ్ మూవీతో ప్రేక్షకుల ముందుకు రాబోతున్నారు. వెంకటేష్ కెరీర్‌లో 75వ సినిమాగా ఈ మూవీ రానుంది. ఈ సినిమా శైలేశ్ కొలను దర్శకత్వంలో ఉండబోతోందనీ తెలుస్తోంది. ఇటీవలే హిట్ 2 సినిమాతో శైలేష్ మంచి హిట్ అందుకున్నాడు. అలాగే ఈ సినిమాలో వెంకటేష్ పవర్ ఫుల్ పోలీస్ ఆఫీసర్ గా కనిపించనున్నాడని తెలుస్తోంది.
గతంలో వెంకటేష్ పోలీస్ గెటప్ లో నటించిన ఘర్షణ సినిమా మంచి హిట్ గా నిలిచిన విషయం తెలిసిందే. ఇప్పుడు ఈ సినిమా కూడా అదే తరహా థ్రిల్లర్ నేపథ్యంలో ఉండనుందని తెలుస్తోంది. ఇక ఈ సినిమాలో హీరోయిన్ గా కేజీఎఫ్ బ్యూటీ శ్రీనిధి శెట్టి నటిస్తుందని తెలుస్తోంది.
కేజీఎఫ్ సినిమాతో సాలిడ్ హిట్ అందుకుంది ఈ భామ. ఆ తర్వాత విక్రమ్ సరసన కోబ్రా సినిమాలో నటించింది. ఈ సినిమా ఆశించిన స్థాయిలో ప్రేక్షకులను ఆకట్టుకోలేక పోయింది. ఇక ఇప్పుడు వెంకీ సరసన ఈ భామ నటిస్తుందని తెలుస్తోంది. త్వరలోనే ఈ విషయం పై క్లారిటీ వచ్చే అవకాశం ఉంది.