Vishal : సమాజంలో మార్పు కోసం ‘లాఠీ’ చేతబట్టిన యాక్షన్ హీరో విశాల్.. ఆకట్టుకుంటున్న ఫస్ట్ లుక్

యాక్షన్ హీరోగా గుర్తింపు తెచ్చుకున్న విశాల్ వరుస సినిమాలతో అలరిస్తున్నారు. హిట్లు ఫ్లాప్ లతో సంబంధం లేకుండా బ్యాక్ టు బ్యాక్ సినిమాలను లైనప్ చేసి దూసుకుపోతున్నారు.

Vishal

Updated on: Apr 07, 2022 | 7:17 AM

యాక్షన్ హీరోగా గుర్తింపు తెచ్చుకున్న విశాల్(Vishal )వరుస సినిమాలతో అలరిస్తున్నారు. హిట్లు ఫ్లాప్ లతో సంబంధం లేకుండా బ్యాక్ టు బ్యాక్ సినిమాలను లైనప్ చేసి దూసుకుపోతున్నారు. ఇటీవలే ఎనిమి, సామాన్యుడు సినిమాలతో వచ్చిన విశాల్ ఇప్పుడు మరో సినిమాతో అలరించడానికి రెడీ అవుతున్నారు. విశాల్ హీరోగా ఎ.వినోద్ కుమార్ దర్శకత్వం లో రానా ప్రొడక్షన్స్ పై ఓ సినిమా తెరకెక్కుతోంది. విశాల్ ఈ సినిమాతో పాన్ ఇండియా మార్కెట్లోకి అడుగుపెడుతున్నారు. హైవోల్టేజ్ యాక్షన్ ఎంటర్ టైనర్ గా రాబోతున్న ఈ సినిమాకు ‘లాఠీ’ అనే టైటిల్ ను ఖరారు చేశారు. ఈ చిత్రం శరవేగంగా చిత్రీకరణ జరుపుకుటుంది. ప్రస్తుతం హైదరాబాద్ లో టాప్ స్టంట్ మాస్టర్ పీటర్ హెయిన్ పర్యవేక్షణ లో ఉత్కంఠభరితమైన యాక్షన్ సీక్వెన్స్ ను చిత్రీకరిస్తున్నారు. తాజాగా ఈ సినిమా ఫస్ట్ లుక్ పోస్టర్ ని విడుదల చేశారు చిత్రయూనిట్.

నిర్మాణంలో ఉన్న భవనం ముందు సాలిడ్ గా నిలబడి, ఒక చేతిలో లాఠీ పట్టుకుని, మరో చేతికి బ్యాండేజీ కట్టుతో ఈ ఫస్ట్ లుక్ లో విశాల్ కనిపించారు. శరీరమంతా గాయాలతో పాటు భవనం నుండి లేజర్ కిరణాలు విశాల్ పై పడటం కూడా ఈ యాక్షన్ పోస్టర్ లో గమనించవచ్చు. ఈ ఫస్ట్ లుక్ పోస్టర్ లో విశాల్ పవర్ ఫుల్ గా కనిపించారు. యాక్షన్ తో నిండిన ఈ ఫస్ట్ లుక్ సినిమాపై అంచనాలని పెంచింది. సమాజంలో మార్పు తెచ్చే శక్తి లాఠీకి వుంది. విశాల్ తన ‘లాఠీ’ తో సమాజంలో ఎలాంటి మార్పులకు నాంది పలికారో అన్నది సినిమాలు చూడాలి. ఈ చిత్రానికి అన్ని భాషలకు ఒకే టైటిల్ పెట్టారు. ఈ కమర్షియల్ ఎంటర్ టైనర్ ని దర్శకుడు వినోద్ కుమార్ సరికొత్త కథాంశంతో చిత్రాన్ని తెరకెక్కించారు. ఈ చిత్రంలో విశాల్ ఫుల్ లెంత్ యాక్షన్ కి ప్రాధాన్యత వున్న పాత్రలో నటిస్తున్నారు.

విశాల్ సరసన సునైనా కథానాయికగా నటిస్తున్న ఈ చిత్రాన్ని రానా ప్రొడక్షన్స్ బ్యానర్ పై రమణ, నందా సంయుక్తంగా నిర్మిస్తున్నారు. సామ్ సిఎస్ సంగీత దర్శకుడిగా.. పొన్ పార్థిబన్ రచయితగా ఈ చిత్రానికి పనిచేస్తున్నారు. అలాగే ఈ చిత్రం కోసం అద్భుతమైన యాక్షన్ సన్నివేశాలని చిత్రీకరిస్తున్నారు. సెకండ్ ఆఫ్ లో ఉండే 45నిమిషాల యాక్షన్ సీక్వెన్స్ సినిమాకి ప్రధాన ఆకర్షణగా నిలవనున్నాయట. Vishal . మరిన్ని ఇక్కడ చదవండి :