Family Star: ‘ఫ్యామిలీ స్టార్’ సర్ ప్రైజ్…మీ ఇంటికే రానున్న విజయ్ దేవరకొండ, మృణాళ్‌.. .. ఏం చేయాలంటే?

Family Star

‘ఖుషి’ సక్సెస్ తర్వాత టాలీవుడ్ రౌడీ బాయ్ విజయ్ దేవరకొండ నటించిన చిత్రం ఫ్యామిలీ స్టార్. సీతారామం, హాయ్ నాన్న సినిమాలతో తెలుగు ప్రేక్షకులకు చేరువైన మృణాళ్ ఠాకూర్ ఇందులో హీరోయిన్. పరశురాం తెరకెక్కించిన ఈ ఫ్యామిలీ ఎంటర్ టైనర్ లో జగపతిబాబు, వెన్నెల కిషోర్, అభినయ, ప్రభాస్ శ్రీను తదితరులు ప్రధాన పాత్రలు పోషించారు. శుక్రవారం (ఏప్రిల్ 05) థియేటర్లలోకి అడుగుపెట్టిన ఫ్యామిలీ స్టార్ పాజిటివ్ టాక్ తో దూసుకెళుతోంది. ముఖ్యంగా ఫ్యామిలీ ఆడియెన్స్ ఈ సినిమాకు బ్రహ్మరథం పడుతున్నారు. కేవలం తెలుగులోనే కాకుండా తమిళనాడు ఓవర్సీస్ లోనూ ఫ్యామిలీ స్టార్ మంచి కలెక్షన్స్ రాబట్టినట్లు ట్రేడ్ నిపుణులు చెబుతున్నారు. కాగా తమ కుటుంబాలకు సపోర్టుగా నిలబడే వాళ్లంతా ఫ్యామిలీ స్టార్సే అనేది ఈ మూవీ స్టోరీ లైన్. ఈ నేపథ్యంలో ఫ్యామిలీ స్టార్ చిత్ర బృందం ప్రేక్షకులకు ఒక బంపరాఫర్ ఇచ్చింది. అదేంటంటే నిజ జీవితంలో ఫ్యామిలీ స్టార్ ను కలుసుకునేందుకు ఫ్యామిలీ స్టార్ టీమ్ సర్ ప్రైజ్ విజిటింగ్ కు వస్తోంది. ఇందులో భాగంగా తెలుగు రాష్ట్రాల ఆడియెన్స్ కు ఒక బంపరాఫర్ ఇచ్చారు. అదేంటంటే..మీ ఇంట్లో ఫ్యామిలీ స్టార్ ఎవరు? ఎందుకు? అనే ప్రశ్నలకు సరైన సమాధానం రాయాలి. ఇందుకోసం ఫ్యామిలీ స్టార్ చిత్ర బృందం ఒక ఫామ్ ను కూడా జత చేసింది.

అందులో మీ పేరు, ఇంటి అడ్రస్ తో పాటు మీ ఫ్యామిలీ స్టార్ ఎ‌వరు, ఎందుకు అనే ప్రశ్నలకు ఆన్సర్స్ రాసి ఫిల్ చేయాలి. ఆ తర్వాత చిత్ర బృందం వీటిని పరిశీలించి నిజ జీవితంలోని ఫ్యామిలీ స్టార్లను కలుస్తుంది. దీనికి సంబంధించిన సమాచారాన్ని సోషల్ మీడియాలో షేర్ చేసుకుంది ఫ్యామిలీ స్టార్ చిత్ర బృందం. మరి మీరు విజయ్ దేవరకొండ, మృణాళ్ ను కలుసుకోవాలనుకుంటున్నారా? అయితే మీ ఇంట్లోని ఫ్యామిలీ స్టార్ ఎవరు? ఎందుకు? అన్న వివరాలను జత చేయండి.

ఫ్యామిలీ స్టార్ ట్వీట్..

మరిన్ని సినిమా వార్తల కోసం ఇక్కడ క్లిక్ చేయండి.