Subbaraju: 46 ఏళ్లు వచ్చినా సుబ్బరాజు పెళ్లి చేసుకోకపోవడానికి రీజన్ ఇదే..
సుబ్బరాజు నెగెటివ్ పాత్రల నుండి సహాయక పాత్రల వరకు వైవిధ్యమైన పాత్రలు పోషించారు. అమ్మా నాన్న ఓ తమిళ అమ్మాయి , ఆర్య , పోకిరి , లీడర్ , మిర్చి, బాహుబలి 2: ది కన్క్లూజన్ , టెంపర్ , దువ్వాడ జగన్నాధం , గీత గోవిందం వంటి సినిమాల్లో కీ రోల్స్ పోషించాడు. ఎందుకో కానీ ఈ యాక్టర్ ఈ మధ్య పెద్దగా సిల్వర్ స్క్రీన్పై కనిపించడం లేదు.
టాలీవుడ్లో ఉన్న ఆరడుగుల కటౌట్లలో.. నటుడు సుబ్బరాజు కూడా ఒకరు. హీరో ఫీచర్స్ పుష్కలంగా ఉన్న ఆయన.. ఎందుకో ఏమో.. క్యారెక్టర్ ఆర్టిస్ట్గా సెటిల్ అయ్యారు. కేవలం తెలుగు మాత్రమే కాదు.. తమిళ, హిందీ, మలయాళ భాషల్లో 100కు పైగా చిత్రాల్లో నటించాడు ఈ యాక్టర్. ఏ పాత్ర ఇచ్చినా దానికి న్యాయం చేస్తాడన్న పేరు ఉంది. ఫిట్నెస్ విషయంలో కూడా రాజీ పడరు. డైలీ వర్కవుట్స్ చేస్తూ.. ఎంతోమందికి ఫిట్నెస్ గోల్స్ విసురుతూ ఉంటారు. సుబ్బరాజు అనుకోకుండా చిత్రసీమకు పరిచయమయ్యాడు. దర్శకుడు కృష్ణవంశీ.. ఇంట్లో యూజ్ చేసే కంప్యూటర్కు ఏదో సమస్య రావడంతో.. దాన్ని క్లియర్ చేయించమని తన అసిస్టెంట్కు సూచించారట. ఆ కంప్యూటర్ బాగు చేసేందుకు కృష్ణవంశీ ఇంటికి వెళ్లాడు సుబ్బరాజు. అక్కడ.. ఒడ్డూ పొడవు ఉన్న యంగ్ సుబ్బరాజును చూసిన కృష్ణవంశీ.. ఖడ్గం మూవీలో చిన్న రోల్ ఆఫర్ చేశారు. ఆ తర్వాత ఆయనకు అవకాశాలు క్యూ కట్టాయి.
సుబ్బరాజు వయస్సు ప్రస్తుతం 46 సంవత్సరాలు. కానీ ఇప్పటికీ పెళ్లి చేసుకోలేదు. ఇదే విషయాన్ని ఆయన్ని అడిగితే.. మ్యారేజ్ అసలు ఎందుకు చేసుకోవాలో తనకు అర్థం కాలేదని కొత్త తత్వాన్ని చెప్పుకొచ్చారు. ” ఏదైనా పని చేయడానికి కారణం ఉంటుంది. ఈ పని చేయలేదు.. దానికి కారణం ఏంటి అంటే.. ఏమని చెప్తాం. మ్యారేజ్ చేసుకోకపోవడానికి నా వద్ద ఉన్న ఆన్సర్ ఇదే. నా అభిప్రాయం ప్రకారం పెళ్లి జరగకూడదు. మనకు అనిపించినప్పుడు చేసుకోవాలి. 25, 30 ఏళ్లు వచ్చాయ్ అని.. అందరికీ పెళ్లిళ్లు అయిపోతున్నాయ్ అని.. తల్లిదండ్రుల ఒత్తిడి ఉందని.. పెళ్లి చేసుకోకూడదు. నా జీవితం, మనస్సును ఒక అమ్మాయికి పూర్తిగా ఇవ్వగలను అని నమ్మకం వచ్చినప్పుడు నేను పెళ్లి గురించి థింక్ చేస్తాను. మ్యారేజ్ చేసుకుని.. ఇది వర్కువుట్ అవ్వకపోతే ఇంకొకటి అన్నది నా మెంటాలిటీ కాదు. ఏదో కారు, ఇల్లు లాంటిది కాదు పెళ్లి. అందుకే పెళ్లిళ్లు జరక్కూడదు. చేసుకోవాలి” అంటూ తన స్టైల్లో చెప్పుకొచ్చారు సుబ్బరాజు.
మరిన్ని సినిమా వార్తల కోసం ఇక్కడ క్లిక్ చేయండి.