Surya Movie: యదార్ధసంఘటన ఆధారంగా తెరకెక్కుతున్న సూర్య కొత్త చిత్రం..
విభిన్న కథలతో సినిమాలు చేస్తూ మంచి గుర్తింపు తెచ్చుకున్నారు హీరో సూర్య. చాలా కాలం తర్వాత ఆకాశం నీ హద్దురా సినిమాతో భారీ విజయాన్ని అందుకున్నాడు సూర్య.
surya new movie: విభిన్న కథలతో సినిమాలు చేస్తూ మంచి గుర్తింపు తెచ్చుకున్నారు హీరో సూర్య. చాలా కాలం తర్వాత ఆకాశం నీ హద్దురా సినిమాతో భారీ విజయాన్ని అందుకున్నాడు సూర్య. ఓటీటీ వేదికగా విడుదలైన ఈ సినిమా మంచి విజయాన్ని అందుకోవడమే కాకుండా మంచి వసూళ్లను రాబట్టింది. సూర్య హిట్లు ఫ్లాపులతో సంబంధం లేకుండా వరుసగా సినిమాలు చేస్తూ అభిమానులను ఆకట్టుకుంటున్నాడు. ప్రస్తుతం సూర్య పాండిరాజ్ దర్శకత్వంలో ఒక సినిమా చేస్తున్నాడు. ఈ సినిమా కూడా సమపాళ్లతో కూడిన యాక్షన్ .. ఎమోషన్ లతో సాగుతోందట. ఇటీవల విడుదలైన పోస్టర్ లు సినిమా పై ఆసక్తిని రేకెత్తిస్తున్నాయి. ఈ సినిమాలో సూర్య లుక్ చాలా డిఫరెంట్ గా ఉండనుందని తెలుస్తుంది. తాజా సమాచారం ప్రకారం ఈ సినిమా కథ ఓ యదార్ధసంఘటన నేపథ్యంలో ఉండనుందని తెలుస్తుంది. ‘పొల్లాచ్చి’లో జరిగిన ఒక భయంకరమైన సంఘటన ఆధారంగా ఈ సినిమాను నిర్మిస్తున్నారట. సూర్య పుట్టినరోజు సందర్భాన్ని పురస్కరించుకుని, జులై 23వ తేదీన ఈ సినిమా నుంచి ఫస్టులుక్ రిలీజ్ చేసే ఆలోచనలో ఉన్నారట చిత్రయూనిట్.
ఇక ఈ సినిమాలో సూర్య సరసన అందాల భామ ప్రియాంక అరుళ్ మోహన్ హీరోయిన్ గా నటిస్తుంది. అలాగే సత్యరాజ్ ఈ సినిమాలో కీలక పాత్రపోషించనున్నారని తెలుస్తుంది. ఈ సినిమా కూడా తప్పకుండా సూర్యకు భారీ విజయాన్ని తెచ్చి పెడుతుందని అభిమానులంతా ఆశాభావం వ్యక్తం చేస్తున్నారు.
మరిన్ని ఇక్కడ చదవండి :