Sarkaru Vaari Paata: ‘సర్కారువారి పాట’లో ఆ సీన్లు సినిమాకే హైలైట్‌గా ఉండనున్నాయట….
మహేష్ బాబు సినిమా కోసం ఆయన అభిమానులంతా ఎంతో ఆసక్తిగా ఎదురుచూస్తున్నారు. మహేష్ ప్రస్తుతం సర్కారు వారి పాట అనే సినిమాలో నటిస్తున్నారు.
Sarkaru Vaari Paata: మహేష్ బాబు సినిమా కోసం ఆయన అభిమానులంతా ఎంతో ఆసక్తిగా ఎదురుచూస్తున్నారు. మహేష్ ప్రస్తుతం సర్కారు వారి పాట అనే సినిమాలో నటిస్తున్నారు. గీతగోవిందం సినిమాతో మంచి విజయాన్ని అందుకున్న పరశురామ్ దర్శకత్వంలో ఈ సినిమా తెరకెక్కుతుంది. అలాగే సర్కారువారి పాట సినిమాతో తొలిసారి కీర్తిసురేష్ మహేష్ బాబుతో కలిసి నటిస్తున్నారు. ఇక ఈ సినిమా షూటింగ్ శరవేగంగా జరుగుతుంది. బ్యాంకింగ్ రంగంలో జరిగే మోసాల నేపథ్యంలో ఈ సినిమా కథ ఉండనుందని తెలుస్తుంది. హీరో తండ్రి ఒక బ్యాంక్‌లో ఉన్నతాధికారిగా పనిచేస్తూ ఉంటాడట. ఒక బిజినెస్ మెన్ ఆ బ్యాంక్ నుంచి కోట్ల రూపాయలను తీసుకుని ఎగ్గొడతాడు. దాంతో రంగంలోకి దిగిన హీరో..ఆ బిజినెస్ మెన్‌తో ఎలా ఆ డబ్బు కంట్టించాడనేదే కథ అంటూ ఫిలిం నగర్‌లో టాక్ నడుస్తుంది. అలాగే ఈ సినిమా భారీ యాక్షన్ సీక్వెన్స్‌లు కూడా ఉండనున్నాయి. అలాగే అదిరిపోయే కామెడీ కూడా ఉండనుందట ఈ మూవీలో. ఇక సర్కారు వారి పాట మూవీ టీజర్ మహేష్ బాబు పుట్టిన రోజు కానుకగా విడుదలైన విషయం తెలిసిందే. రిలీజ్ అయిన క్షణాల్లోనే రికార్డుల వేట మొదలు పెట్టింది.
ఇక ఈ సినిమాలో తమిళ నటుడు సముద్రఖని కీలక పాత్రలో కనిపించనున్నారు. ఇటీవలే మహేష్-సముద్రఖని మధ్య కొన్ని కీలక సన్నివేశాల్ని చిత్రీకరించారట . హైదరాబాద్‌లో ప్రత్యేకంగా నిర్మించిన బ్యాంక్ సెట్‌లో వీటి చిత్రీకరణ జరిగింది. మహేష్-సముద్రఖని మధ్య జరిగే షూట్ ఎంతో ఆసక్తికరంగా ఉంటుందని తెలుస్తుంది. సముద్రఖని పాత్ర ఈ సినిమాలో చాలా ఫవర్ ఫుల్‌గా సాగుతుందని సమాచారం. సర్కారు వారి పాట’ మూవీని మైత్రీ మూవీ మేకర్స్ – GMB ఎంటర్టైన్మెంట్ – 14 రీల్స్ ప్లస్ సంస్థలు సంయుక్తంగా నిర్మిస్తున్నాయి. సంక్రాంతికానుకగా ఈ సినిమా జనవరి 13న ప్రేక్షకుల ముందుకు రాబోతుంది.
మరిన్ని ఇక్కడ చదవండి :
Samantha Akkineni: తిరుమల శ్రీవారిని దర్శించుకున్న స్టార్ హీరోయిన్ సమంత..
Rakul Preet Singh: అందుకోసం డాక్టర్లను ఫాలో అయ్యాను.. నేను రకుల్ను మాత్రం కాదు.. ఆసక్తికర కామెంట్స్ చేసిన హీరోయిన్..
Pooja Hegde: మోస్ట్ ఎలిజిబుల్ బ్యాచిలర్తో షూరు చేసిన బుట్టుబొమ్మ.. ఇకపై సొంత గళాన్ని వినిపించనున్న పూజా హెగ్డే..