Dimple Hayathi: బాలీవుడ్లోకి డింపుల్ హయాతి ?… వరుస ఆఫర్లతో ‘ఖిలాడి’ హీరోయిన్ బిజీ..
"గల్ఫ్" సినిమాతో వెండితెరకు పరిచయమైన డింపుల్ హయాతి.. ఆ తర్వాత ప్రభుదేవా సరసన "అభినేత్రి 2" లో నటించి ప్రేక్షకులను మెప్పించింది.
“గల్ఫ్” సినిమాతో వెండితెరకు పరిచయమైన డింపుల్ హయాతి.. ఆ తర్వాత ప్రభుదేవా సరసన “అభినేత్రి 2” లో నటించి ప్రేక్షకులను మెప్పించింది. ఇవే కాకుండా.. టాలీవుడ్ హీరో వరుణ్ తేజ్ ప్రధాన పాత్రలో హరీశ్ శంకర్ దర్శకత్వంలో వచ్చిన “గద్దలకొండ గణేష్” సినిమాలో స్పెషల్ సాంగ్లో స్టెప్పులేసింది ఈ హైదరాబాద్ బ్యూటీ.. ప్రస్తుతం మాస్ మహారాజా రవితేజ నటిస్తున్న “ఖిలాడి” చిత్రంలో హీరోయిన్గా నటిస్తుంది. ఈ మూవీకి రమేష్ రావు దర్శకత్వం వహిస్తుండగా.. రవితేజ డ్యూయల్ రోల్లో కనిపించబోతున్నాడు. ఈ చిత్రాన్ని జయంతీలాల్ గడ సమర్పణలో ఏ స్టూడియోస్, పెన్ స్టూడియోస్ బ్యానర్లపై సత్యనారాయణ కోనేరు నిర్మిస్తున్నారు.
ఇదిలా ఉంటే.. తాజాగా డింపుల్ హయాతికి బాలీవుడ్ నుంచి ఆఫర్స్ వస్తున్నాయట. క్రియేటివ్ జీనియస్ డైరెక్టర్ శంకర్ హిందీలో తెరకెక్కిస్తున్న “అపరిచితుడు” రీమేక్లో డింపుల్ హయాతి ఓ కీలక పాత్రలో నటించబోతున్నట్లుగా తెలుస్తోంది. ఈ సినిమాను పెన్ స్టూడియోస్ నిర్మిస్తుండగా.. రణ్వీర్ సింగ్ ప్రధాన పాత్రలో నటించనున్నాడు. ఇదే కాకుండా.. యంగ్ హీరో కార్తిక్ ఆర్యన్ నటించబోతున్న మరో సినిమాలో కూడా డింపుల్ హయాతి హీరోయిన్గా చేయబోతున్నట్లుగా టాక్ వినిపిస్తోంది. అయితే ఈ విషయాలపై ఇప్పటివరకు అధికారిక ప్రకటన రాలేదు. ప్రస్తుత ఈ బ్యూటీ నటిస్తున్న “ఖిలాడి” చిత్రం.. 90 శాతం వరకు షూటింగ్ పూర్తిచేసుకుంది. ఇందులో ముఖేశ్ రుషి, సచిన్ కేద్కర్, రావు రమేష్.. మురళీ శర్మ కీలకపాత్రలలో కనిపించనున్నారు. అలాగే మరో ముఖ్యమైన పాత్రలో పాపులర్ యాంకర్ అనసూయ నటిస్తోంది. ఈ చిత్రానికి దేవి శ్రీ ప్రసాద్ సంగీతం అందిస్తున్నారు.
Also Read: Mehreen Pirzada : ఇన్‌స్టాగ్రామ్‌లో పోస్ట్ లు డిలీట్ చేసిన మెహరీన్.. అమ్మడి బ్రేకప్ కు కారణం అదేనా..
Sudeer Babu: ఫిల్మ్ ఇండస్ట్రీలో మరో చర్చ… సినిమాటోగ్రఫీ సవరణ బిల్లుపై హీరో సుధీర్ బాబు ట్వీట్..
Vanitha Vijay Kumar: సీనియర్ హీరోయిన్ పై విరుచుకుపడ్డ వివాదాల వనితా.. ఈసారి ఏమన్నదంటే…