RGV Vyooham: రెండు పార్ట్‌లుగా సీఎం జగన్ బయోపిక్‌.. వ్యూహం, శపథం రిలీజ్‌ డేట్స్‌ చెప్పేసిన ఆర్జీవీ
సినిమాల మేకింగ్, రిలీజులు, ప్రమోషన్ల విషయంలో డైరెక్టర్‌ రామ్‌ గోపాల్‌ వర్మది ప్రత్యేక శైలి. సక్సెస్‌, ప్లాఫ్‌తో సంబంధం లేకుండా డిఫరెంట్‌గా సినిమాలు తెరకెక్కిస్తారాయన. ప్రస్తుతం ఏపీ సీఎం వైఎస్‌ జగన్మోహన్‌ రెడ్డి జీవిత చరిత్ర ఆధారంగా వ్యూహం అనే సినిమాను రూపొందిస్తున్నాడు. ఇప్పటికే ఈ మూవీ నుంచి రిలీజైన పోస్టర్స్‌, టీజర్స్‌ ఓ రేంజ్‌లో సెన్సేషన్‌ క్రియేట్‌ చేశాయి. తాజాగా వ్యూహం సినిమాకు సంబంధించి శపథం పేరుతో సీక్వెల్‌ కూడా అనౌన్స్‌ చేశాడు ఆర్జీవీ. అంతే కాదు వ్యూహం, శపథం సినిమాల రిలీజ్‌ డేట్‌ను కూడా అధికారికంగా ప్రకటించాడు.
సినిమాల మేకింగ్, రిలీజులు, ప్రమోషన్ల విషయంలో డైరెక్టర్‌ రామ్‌ గోపాల్‌ వర్మది ప్రత్యేక శైలి. సక్సెస్‌, ప్లాఫ్‌తో సంబంధం లేకుండా డిఫరెంట్‌గా సినిమాలు తెరకెక్కిస్తారాయన. ప్రస్తుతం ఏపీ సీఎం వైఎస్‌ జగన్మోహన్‌ రెడ్డి జీవిత చరిత్ర ఆధారంగా వ్యూహం అనే సినిమాను రూపొందిస్తున్నాడు. ఇప్పటికే ఈ మూవీ నుంచి రిలీజైన పోస్టర్స్‌, టీజర్స్‌ ఓ రేంజ్‌లో సెన్సేషన్‌ క్రియేట్‌ చేశాయి. తాజాగా వ్యూహం సినిమాకు సంబంధించి శపథం పేరుతో సీక్వెల్‌ కూడా అనౌన్స్‌ చేశాడు ఆర్జీవీ. అంతే కాదు వ్యూహం, శపథం సినిమాల రిలీజ్‌ డేట్‌ను కూడా అధికారికంగా ప్రకటించాడు. ‘కుట్రలకు, ఆలోచనలకు మధ్య’ అంటూ తన సినిమాలకు సంబంధించి ఒక కొత్త పోస్టర్‌ను విడుదల చేశారు. వ్యూహం సినిమాను నవంబర్‌ 10న, శపథం మూవీని జనవరి 25న రిలీజ్‌ చేయనున్నట్లు రామ్‌ గోపాల్‌ వర్మ ప్రకటించాడు. వైఎస్‌ రాజశేఖర్‌ రెడ్డి మరణం తర్వాత జగన్ ఫ్యామిలీకి ఎదురైన గడ్డు పరిస్థితులు, ఓదార్పు యాత్ర, క్రిమినల్‌ కేసులు, జైలు జీవితం తదితర అంశాలను వ్యూహం సినిమాలో చూపించనున్నట్లు తెలుస్తోంది. ఇక గడ్డు పరిస్థితులను సీఎం జగన్ ఎదుర్కొన్న తీరు, ముఖ్యమంత్రిగా ఎదిగిన విధానాన్ని శపథం సినిమాలో వర్మ ఆవిష్కరించనున్నట్లు సమాచారం.
రెండు నెలల గ్యాప్ లో..
కాగా వ్యూహం, శపథం సినిమాల్లో వైఎస్‌ జగన్ పాత్రలో రంగం ఫేమ్‌ అజ్మల్‌ కనిపించనున్నాడు. జగన్ సతీమణి వైఎస్‌ భారతి పాత్రలో మానస నటించనుంది. రామ దూత క్రియేషన్స్‌ బ్యానర్‌పై దాసరి కిరణ్‌ కుమార్‌ ఈ పొలిటికల్‌ సినిమాను నిర్మిస్తున్నారు. రిలీజుకు ముందే వ్యూహం సినిమా సంచలనం సృష్టిస్తుంది. వ్యూహం సినిమాకు సంబంధించి ఇప్పటికే రిలీజైన పోస్టర్స్‌, టీజర్స్‌ ఓ రేంజ్‌లో సెన్సేషన్‌ క్రియేట్‌ చేశాయి. వీటిపై స్పందించిన టీడీపీ నేతలు రామ్‌ గోపాల్‌ వర్మపై విమర్శల వర్షం గుప్పించారు. అలాగే కాంగ్రెస్‌ నేతలు కూడా ఆర్జీవీపై తీవ్ర ఆగ్రహం వ్యక్తం చేశారు. మరి రిలీజుకు ముందే సంచలనాలు సృష్టిస్తోన్న వ్యూహం, శపథం సినిమాలు థియేటర్లలోకి వచ్చాక ఎలాంటి సెన్సేషన్‌ క్రియేట్‌ చేస్తాయో చూడాలి.
మరిన్ని సినిమా వార్తల కోసం ఇక్కడ క్లిక్ చేయండి.