Rahul Sipligunj: అప్పుడు అలా.. ఇప్పుడు ఇలా.. చిచ్చా నువ్వు కేక అంటున్న నెటిజన్స్
యావత్ ప్రపంచాన్ని ఊపేసిన వీర నాటు బీటుకు ఆస్కార్ కూడా తలవంచింది. ఈ ఏటి మేటి పాట మీదేనంటూ పురస్కారాన్ని అందించింది.
రాహుల్ సిప్లిగంజ్.. ఇప్పుడు ఎక్కడ చూసిన ఇదే పేరు వినిపిస్తోంది. రాహుల్ పాడిన నాటు నాటు సాంగ్ ఆస్కార్ అవార్డు వచ్చిన విషయం తెలిసిందే. యావత్ ప్రపంచాన్ని ఊపేసిన వీర నాటు బీటుకు ఆస్కార్ కూడా తలవంచింది. ఈ ఏటి మేటి పాట మీదేనంటూ పురస్కారాన్ని అందించింది. నాటు నాటు సాంగ్ కేవలం పాట మాత్రమే కాదు. కేవలం సిట్చువేషన్‌ని నడిపించడానికి ఉపయోగపడిందని అనుకోకూడదు. ఇవాళ నాటు నాటు పాట కోట్లాదిమంది భారతీయుల ఎమోషన్‌. హిస్టరీలో తమకంటూ ఓ అద్భుతమైన క్షణాన్ని పదిలం చేసిన ఆయుధం. ఈ పాటను ఆలపించిన రాహుల్ ను హైదరాబాద్ పోలీసులు సత్కరించారు.
తాజాగా ఇందుకు సంబంధించిన ఫోటోలను, వీడియోను సోషల్ మీడియాలో షేర్ చేశారు. ఇక దీని పై నెటిజన్లు రకరకాలుగా స్పందిస్తున్నారు. అయితే గతంలో రాహుల్ సిప్లిగంజ్ ను డ్రంక్ అండ్ డ్రై విషయంలో పోలీసులు మందలించారు. దీని పై రాహుల్ సిప్లిగంజ్ కూడా క్లారిటీ ఇచ్చాడు. అప్పట్లో ఇది హాట్ టాపిక్ అయ్యింది.
ఇప్పుడు అదే పోలీసులు రాహుల్ ను పిలిచి మరి సత్కరించారు అంటూ కామెంట్స్ చేస్తున్నారు నెటిజన్లు. అప్పుడు అలా ఇప్పుడు ఇలా అంటూ కామెంట్స్ చేస్తున్నారు. ఇక రాహుల్ సిప్లిగంజ్ చాలా ఫెమస్ అయ్యారు. అలాగే హీరోగా కూడా మారాడు. రీసెంట్ గా కృష్ణవంశీ దర్శకత్వంలో వచ్చిన రంగమార్తాండ సినిమాలో నటించాడు రాహుల్ సిప్లిగంజ్.
View this post on Instagram
