Hanu Man: ఫస్ట్ ఎవర్ ఒరిజినల్ ఇండియన్ సూపర్ హీరో హను- మాన్ టీజర్ డేట్ లాక్.. ప్రేక్షకుల ముందుకు ఎప్పుడంటే

Hanu Man

విలక్షణ కథలను ఎంచుకుంటూ తనకంటూ ఓ ప్రత్యేక స్థానం సంపాదించుకున్న యంగ్ డైరెక్టర్ డైరెక్టర్ ప్రశాంత్ వర్మ. డిఫరెంట్ కథలతో సినిమాలు తెరకెక్కిస్తూ ప్రేక్షకులను ఆకట్టుకుంటున్నాడు ప్రశాంత్. ప్రస్తుతం ఈ టాలెంటెడ్ డైరెక్టర్ తెరకెక్కిస్తోన్న సినిజమ హనుమాన్. యంగ్ ట్యాలెంటడ్ హీరో తేజల ఫస్ట్ ఎవర్ ఒరిజినల్ ఇండియన్ సూపర్ హీరో చిత్రంగా హను-మాన్‌ తెరకెక్కుతోంది. ఇక ఈ మూవీ టీజర్ ని 15వ తేదీన విడుదల చేయాలనీ అనుకున్నారు. అయితే సూపర్‌స్టార్ కృష్ణ గారు కన్నుమూయడంతో టీజర్ విడుదలని వాయిదా వేశారు. ఈ రోజు, మేకర్స్ టీజర్ రిలీజ్ కోసం కొత్త విడుదల తేదీని ప్రకటించారు.

ఎప్పుడెప్పుడా అని ఎదురుచూస్తున్న హను-మాన్ టీజర్ నవంబర్ 21వ తేదీ మధ్యాహ్నం 12:33 గంటలకు విడుదల కానుంది. హను-మాన్ ఆయుధాన్ని చూపిస్తూ ఓ అద్భుతమైన పోస్టర్ ద్వారా మేకర్స్ టీజర్ డేట్ ని అనౌన్స్ చేశారు. పోస్టర్ లో తేజ సజ్జ చేయి కొండపైన గదను ఎత్తడం కనిపిస్తోంది. అతని చేతికి బ్రాస్‌లెట్‌, రాగి కంకణం , వేలికి రెండు ఉంగరాలు కూడా ధరించాడు. పోస్టర్ టీజర్‌పై క్యూరియాసిటీని మరింత పెంచింది.

అమృత అయ్యర్ కథానాయికగా నటిస్తుండగా ఈ క్రేజీ పాన్ ఇండియా చిత్రాన్ని ప్రైమ్‌షో ఎంటర్‌టైన్‌మెంట్ పతాకంపై కె నిరంజన్ రెడ్డి ప్రతిష్టాత్మకంగా నిర్మిస్తుండగా శ్రీమతి చైతన్య సమర్పిస్తున్నారు. వరలక్ష్మి శరత్‌కుమార్ , వినయ్ రాయ్, రాజ్, దీపక్ శెట్టి కీలక పాత్రల్లో కనిపించనున్నారు. అలాగే టాప్-గ్రేడ్ టెక్నీషియన్స్ ఈ చిత్రానికి పని చేస్తున్నారు.  హను-మాన్ ప్రస్తుతం పోస్ట్ ప్రొడక్షన్ దశలో ఉంది . మేకర్స్ త్వరలో విడుదల తేదీని ప్రకటిస్తారు.

మరిన్ని సినిమా వార్తల కోసం క్లిక్ చేయండి..