Ante Sundaraniki: ముహూర్తం ఖరారు.. ‘అంటే సుందరానికి..’ నుంచి ఫస్ట్ సింగిల్ వచ్చేది అప్పుడే..
నేచురల్ స్టార్ నాని ఇటీవలే శ్యామ్ సింగరాయ్ సినిమాతో మంచి విజయాన్ని అందుకున్న విషయం తెలిసిందే. ఈ సినిమాలో నాని మరోసారి తన నటనతో కట్టిపడేశారు. చాలా కాలంగా హిట్స్ కోసం ఎదురుచూస్తున్న నానికి సాలిడ్ సక్సెస్ ను అందించింది ఈ సినిమా.
నేచురల్ స్టార్ నాని(Nani) ఇటీవలే శ్యామ్ సింగరాయ్ సినిమాతో మంచి విజయాన్ని అందుకున్న విషయం తెలిసిందే. ఈ సినిమాలో నాని మరోసారి తన నటనతో కట్టిపడేశారు. చాలా కాలంగా హిట్స్ కోసం ఎదురుచూస్తున్న నానికి సాలిడ్ సక్సెస్ ను అందించింది ఈ సినిమా. ఇక ఇప్పుడు బ్యాక్ టు బ్యాక్ సినిమాలను లైనప్ చేసి ఆయా షూటింగ్స్ తో బిజీగా ఉన్నాడు. ఇదిలా ఉంటే బడా బ్యానర్ మైత్రీ మూవీ బ్యానర్పై వివేక్ ఆత్రేయ దర్శకత్వంలో నేచురల్ స్టార్ నాని నటిస్తున్న రొమాంటిక్ ఎంటర్టైనర్ `అంటే సుందరానికి`. ఈ చిత్రం షూటింగ్ ఇప్పటికే పూర్తి కాగా ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ చిత్రానికి వివేక్ సాగర్ స్వరాలు సమకూర్చారు. ఈ సందర్భంగా మొదటి సింగిల్ పంచెకట్టును ఏప్రిల్ 6న సాయంత్రం 6:03 గంటలకు విడుదల చేయనున్నట్లు మేకర్స్ ప్రకటించారు.
ఈ సందర్భంగా విడుదలచేసిన పోస్టర్లో నాని, తన విదేశీ పర్యటన USAలోని సుందరమైన లొకేషన్లను ఆస్వాదిస్తూ, కారుడోర్లోంచి తల బయట పెట్టుకుని ఆశ్చర్యంగా పైకి చూస్తూ నవ్వుతూ కనిపించాడు. ఈ పోస్టర్ సోషల్ మీడియాలో వైరల్ అవుతోంది. కాగా, ఇప్పటికే ఈ సినిమా టీజర్కు ట్రెమండస్ రెస్సాన్స్ వచ్చింది. నాని సరసన మలయాళ బ్యూటీ నజ్రియా నజీమ్ కథానాయికగా నటిస్తోంది. ఈ సినిమాలో ఆమె పాత్ర పేరు లీలా థామస్. ఈ చిత్రానికి రవితేజ గిరిజాల ఎడిటర్గా నికేత్ బొమ్మి సినిమాటోగ్రఫీని నిర్వహించారు. అంటే సుందరానికి జూన్ 10న థియేటర్లలో విడుదల కానుంది. అలాగే ఈ సినిమాలో నదియా, హర్షవర్ధన్, రాహుల్ రామకృష్ణ, సుహాస్ ముఖ్య పాత్రల్లో కనిపించనున్నారు.
మరిన్ని ఇక్కడ చదవండి :