Miss Shetty Mr Polishetty: ‘మిస్ శెట్టి మిస్టర్ పోలిశెట్టి’ ఉచిత షోస్.. కానీ వారికి మాత్రమే ఫ్రీ ఎంట్రీ..

Miss Shetty Mr Polishetty

బాహుబలి తర్వాత హీరోయిన్ అనుష్క శెట్టి నటించిన సినిమా మిస్ శెట్టి మిస్టర్ పోలిశెట్టి. డైరెక్టర్ మహేష్ బాబు దర్శకత్వం వహించిన ఈ సినిమాలో నవీన్ పోలిశెట్టి హీరోగా నటించారు. తొలిసారి అనుష్క, నవీన జంటగా నటించిన ఈ కామెడీ ఎంటర్టైనర్ సెప్టెంబర్ 7న విడుదలై మంచి రెస్పాన్స్ అందుకుంటుంది. అయితే సినిమా బాగున్నప్పటికీ మరోవైపు జవాన్ సినిమా గట్టిపోటీనిచ్చింది. దీంతో కలెక్షన్స్ విషయంలో మాత్రం వెనకబడింది. మిస్ శెట్టి మిస్టర్ పోలిశెట్టి, జవాన్ చిత్రాలు ఒకేరోజు విడుదలైన పాజిటివ్ టాక్ అందుకున్నప్పటికీ ఇప్పటివరకు షారుఖ్ మూవీ రూ.300 కోట్లకు పైగా వసూళ్లు రాబట్టింది. ఇక ఇప్పుడిప్పుడే అనుష్క చిత్రానికి కలెక్షన్స్ పెరుగుతున్నాయి. పాజిటివ్ మౌత్ టాక్ అందుకున్న మిస్ శెట్టి మిస్టర్ పోలిశెట్టి్ మూవీ టీం ఇప్పుడు కీలక నిర్ణయం తీసుకుంది. విభిన్న కథాంశంతో వచ్చిన ఈ సినిమాను ఇక ఉచిత షోస్ వేయనున్నారు. కానీ ఈ ఫ్రీ షో ఎంట్రీ అందరికీ ఉండదు..కేవలం మహిళలకు మాత్రమే అని చిత్రయూనిట్ ప్రకటించింది.

రెండు తెలుగు రాష్ట్రాల్లోని కొన్ని థియేటర్లలో ఫ్రీ షో ఉండనుంది. సెప్టెంబర్ 14న తెలంగాణ, ఆంధ్రప్రదేశ్ లోని కొన్ని నగరాల్లోని కొన్ని థియేటర్లలో ఈ సినిమాను ఉచిత షో ఉంటుందని యూవీ క్రియేషన్స్ వెల్లడించింది. ఈ స్పెషల్ మార్నింగ్ షోను ఎంపిక చేసిన థియేటర్లలో మహిళలు ఉచితంగా వీక్షించవచ్చని తెలిపింది. “క్యాలెండర్లలో మార్క్ చేసుకోండి. రెండు రాష్ట్రాల్లో ఎంపిక చేసిన థియేటర్లలో మహిళల కోసం ఈ సినిమా స్పెషల్ స్క్రీనింగ్ ఉండనుంది. లిస్ట్ చెక్ చేసుకోండి” అంటూ ట్వీట్ చేసింది చిత్రయూనిట్.

ఇక ఇదే విషయాన్ని తెలియజేస్తూ అనుష్క సైతం తన ఇన్ స్టా ఖాతాలో స్పెషల్ వీడియో రిలీజ్ చేసింది. విడుదలైన ఐదు రోజుల్లో దాదాపు రూ.13.48 కోట్ల వరకు కలెక్షన్స్ రాబట్టినట్లుగా తెలుస్తోంది. అయితే మొదటి నుంచి అంతంతమాత్రంగా వసూళ్లు వచ్చినప్పటికీ ఈ వీకెండ్‍లో మాత్రం కలెక్షన్స్ ఒక్కసారిగా పెరిగాయి.

మరిన్ని సినిమా వార్తల కోసం ఇక్కడ క్లిక్ చేయండి.