Waltair Veerayya: మెగాస్టార్ సినిమాలో ఆ సీన్స్ పీక్స్‌లో ఉంటాయట.. ఫ్యాన్స్‌కు పూనకాలే
గాడ్ ఫాదర్ హిట్ సరిపోకపోడంతో ఇప్పుడు ఫ్యాన్ ఆశలన్నీ వాల్తేరు వీరయ్య సినిమా పైనే పెట్టుకున్నారు. ఈ సినిమాకు బాబీ దర్శకత్వం వహిస్తున్న విషయం తెలిసిందే. ఈ సినిమాలో మెగాస్టార్ తో పాటు మాస్ మహారాజా రవితేజ కూడా నటిస్తున్నారు.
Updated on: Nov 28, 2022 | 6:56 AM
మెగా స్టార్ చిరంజీవి రీసెంట్ గా గాడ్ ఫాదర్ సినిమాతో ప్రేక్షకుల ముందుకు వచ్చిన విషయం తెలిసిందే. ఈ సినిమా హిట్ అయినప్పటికీ మెగా ఫ్యాన్స్ ఆశించిన స్థాయిలో హిట్ అవ్వలేకపోయింది. గాడ్ ఫాదర్ హిట్ సరిపోకపోడంతో ఇప్పుడు ఫ్యాన్ ఆశలన్నీ వాల్తేరు వీరయ్య సినిమా పైనే పెట్టుకున్నారు. ఈ సినిమాకు బాబీ దర్శకత్వం వహిస్తున్న విషయం తెలిసిందే. ఈ సినిమాలో మెగాస్టార్ తో పాటు మాస్ మహారాజా రవితేజ కూడా నటిస్తున్నారు. మాస్ మసాలా ఎంటర్టైనర్ గా తెరకెక్కుతోన్న ఈ సినిమా కోసం మెగా అభిమానులంతా వేయి కళ్ళతో ఎదురుచూస్తున్నారు. ఈ సినిమాలో హీరోయిన్ గా శ్రుతిహాసన్ నటిస్తోంది. ఇప్పటికే ఈ సినిమానుంచి విడుదలైన పోస్టర్లు, టైటిల్ టీజర్ ప్రేక్షకులను విపరీతంగా ఆకట్టుకుంది. అలాగే రీసెంట్ గా వచ్చిన బాస్ పార్టీ సాంగ్ ప్రేక్షకులను ఉర్రుతలూగిస్తుంది.
ఇప్పటికే మిలియన్ కొద్దీ వ్యూస్ తో యూట్యూబ్ ను షేక్ చేస్తోంది ఈ సాంగ్. తాజాగా ఈ సినిమాకు సంబంధించిన ఓ వార్త సోషల్ మీడియాలో వైరల్ అవుతోంది. ఈ సినిమాలో చిరంజీవి , రవితేజ కాంబినేషన్లో వచ్చే కొన్ని సన్నివేశాలు నెక్స్ట్ లెవల్ లో ఉంటాయని తెలుస్తుంది. ఈ సినిమాలో మెగాస్టార్ చిరంజీవి సవతి తల్లి కొడుకుగా రవితేజ నటిస్తున్నాడని.. ఇద్దరికీ మధ్య పడదు అని టాక్ వినిపిస్తోంది.
అయితే ఈ అన్న తమ్ముళ్ల మధ్య వచ్చే సీన్స్ సినిమాకే హైలెట్ గా ఉండనున్నాయట. ఇద్దరి మధ్య పోటీ ఎత్తుకు పై ఎత్తులు ప్రేక్షకులను ఆకట్టుకోనున్నాయని అంటున్నారు. అలాగే ఈ ఇద్దరి మధ్య వచ్చే ఎమోషనల్ సీన్స్ కూడా ప్రేక్షకులను కట్టిపడేస్తాయని అంటున్నారు. ఇక త్వరలోనే వాల్తేరు వీరయ్య సినిమాలో రవితేజ ఎలా ఉండబోతున్నాడు క్లారిటీ ఇవ్వబోతున్నారు. అలాగే ఈ ఇద్దరు కలిసి డాన్స్ చేసిన సాంగ్ ను కూడా రిలీజ్ చేసే ఛాన్స్ ఉందని అంటున్నారు.
