Mahesh Babu : మరోసారి సోషల్ మీడియాలో రచ్చ చేస్తున్న మహేష్ ఫ్యాన్స్.. హాట్ టాపిక్ గా సూపర్ స్టార్ వాట్సాప్ డీపీ..

Lion King Dp

Mahesh Babu : సూపర్ స్టార్ మహేష్ బాబుకు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. రాజకుమారుడు  సినిమాతో హీరో ఎంట్రీ ఇచ్చిన మహేష్ బాలనటుడిగాను ఎన్నో సినిమాల్లో నటించాడు. ఇక మహేష్ సినిమా వస్తుందంటే చాలా అభిమానులు ఆనందంలో తేలిపోతారు. సినిమా రిలీజ్ అయ్యిందంటే ఫ్యాన్స్ కు పండగే. అలాగే సోషల్ మీడియాలోనూ మహేష్ కు భారీ ఫాలోయింగ్ ఉంది. ఇక మహేష్ సినిమా నుంచి కానీ వ్యక్తిగత విషయాలగురించి కానీ ఏ చిన్న విషయం లీక్ అయిన సోషల్ మీడియాలో ఫ్యాన్స్ హల్ చల్ చేస్తుంటారు.

ఇప్పుడు సూపర్ స్టార్ మహేష్ బాబు వాట్సాప్ డీపీ నెట్టింట  హడావిడి చేస్తుంది. ఇటీవల కింగ్ నాగార్జున నటించిన వైల్డ్ డాగ్ సినిమా ట్రైలర్ పై స్పందిస్తూ మహేష్ నాగ్ పైన సినిమా ట్రైలర్ పై ప్రశంసలు కురిపించాడు. అయితే నాగార్జున మహేష్ బాబు వాట్సాప్ చాట్ ను నాగార్జున సోషల్ మీడియాలో షేర్ చేసారు. దాంతో మహేష్ వాట్సాప్ డీపీ ఫ్యాన్స్ కంట పడింది దాంతో సూపర్ స్టార్ ఫ్యాన్స్ అందరు అదే డీపీని తమ వాట్సాప్ ప్రొఫైల్ కు పెట్టుకున్నారు. తాజాగా మరో సారి మహేష్ వాట్సాప్ డీపీ నెట్టింట వైరల్ అవుతుంది.

మహేష్ నటించిన మహర్షి సినిమాకు రెండు జాతీయ అవార్డులు వచ్చిన విషయం తెలిసిందే. అయితే మహర్షి సినిమాకు నేషనల్ అవార్డు వస్తుందని 2017లోనే మహేష్ చెప్పాడని ఓ స్క్రీన్ షాట్ ను షేర్ చేసాడు వంశీ పైడిపల్లి. ‘ఊపిరి’ చిత్రానికి ఫిలిం ఫేర్ అవార్డు రావడంపై వంశీకి శుభాకాంక్షలు తెలుపుతూ మహేష్ వాట్సాప్ మెసేజ్ చేశారు. నెక్స్ట్ సినిమాకు జాతీయ గౌరవం అందుకుంటావని మహేష్ పేర్కొన్నాడు. ఇప్పుడు ఈ చాట్ సోషల్ మీడియాలో హాట్ టాపిక్ గా మారింది. ముఖ్యంగా మహేష్ డీపీ పై మరోసారి చర్చ మొదలైంది. మహేష్ ప్రస్తుతం సర్కారువారి పాట సినిమా షూటింగ్ తో బిజీగా ఉన్నాడు . పరశురామ్ దర్శకత్వం వహిస్తున్న ఈ సినిమాలో కీర్తి సురేష్ హీరోయిన్ గా నటిస్తుంది.

మరిన్ని ఇక్కడ చదవండి : 

Urvashi Rautela: భారీ డ్రెస్ లో మెరిసిన అందాల ఊర్వశి.. ఫ్యాషన్ కోసం తప్పదంటున్న బ్యూటీ

‘సలార్’ కాంబినేషన్‏లో టాలీవుడ్ టాప్ డైరెక్టర్ సినిమా !! మరో పాన్ ఇండియా సినిమా కోసం సన్నాహాలు..