Krishnam Raju: తన మరణం అలా ఉండాలని కోరుకున్న కృష్ణంరాజు.. పదహారేళ్ల క్రితమే కోరిక బయటపెట్టారు..
ఇక కృష్ణంరాజు అంత్యక్రియలు ఈరోజు సాయంత్రం మొయినాబాద్లోని కనకమామిడి ఫామ్ హౌస్లో అధికారిక లాంఛనాలతో నిర్వహించనున్నారు.
రెబల్ స్టార్ (Krishnam Raju) మృతిని సినీ ప్రముఖులు.. అభిమానులు ఇంకా జీర్ణించుకోలేకపోతున్నారు. ఆయనతో తమకున్న అనుబంధాన్ని గుర్తుచేసుకుంటున్నారు. ఆయన భౌతికకాయానికి సినీ, రాజకీయ ప్రముఖులు నివాళులర్పించారు. నటనతోపాటు ప్రజాసేవలోనూ తనదైన ముద్ర వేశారని కొనియాడారు. అయితే కృష్ణంరాజు ఎన్నో కలలు తీరకుండానే కన్నుముశారు. అందులో ప్రభాస్ పెళ్లి కూడా. ఇటీవల రాధేశ్యామ్ సినిమా ప్రీ రిలీజ్ ఈవెంట్లో పాల్గోన్న కృష్ణంరాజు ప్రభాస్ పిల్లలతో ఆడుకోవాలని ఉందని తెలిపారు. అంతేకాకుండా.. తాను ఎలా చనిపోవాలో కూడా ముందే అనుకున్నారట. దాదాపు పదాహారేళ్ల క్రితమే ఈ విషయాన్ని ఓ ఇంటర్వ్యూలో బయటపెట్టారు కృష్ణం రాజు. నేనెవరికీ అన్యాయం చేయలేదని గుండె మీద చేయి వేసుకుని కన్నుమూయాలి అని చెప్పారు.
ప్రతి మనిషికీ ఓ జీవిత లక్ష్యం ఉండాలంటారు. ఇదే విషయం గురించి నాగార్జున ఫర్టిలైజర్స్ కేవీకే రాజుగారికీ.. నాకు మధ్య ఓసారి ఆసక్తికర చర్చ సాగింది. అదే సమయంలో నేను కొన్ని మాటలు చెప్పాను. పచ్చని చెట్టు నీడలో కూర్చొని.. నా జీవితంలో నేను ఎవరికీ అన్యాయం చేయలేదని గుండెల మీద చేతులు వేసుకుని.. నిర్మలమైన ఆకాశం వంక చూస్తూ తుదిశ్వాస విడవాలి. ఆరోజు.. ఈ రోజూ.. అదే నా కోరిక అని తెలిపారు కృష్ణంరాజు. ఆయన మాటలు.. ఆయన సహజ వ్యక్తిత్వానికి నిదర్శనం. ఇక కృష్ణంరాజు అంత్యక్రియలు ఈరోజు సాయంత్రం మొయినాబాద్లోని కనకమామిడి ఫామ్ హౌస్లో అధికారిక లాంఛనాలతో నిర్వహించనున్నారు.
