KA Movie Collections: రెండో రోజూ అదరగొట్టిన కిరణ్ అబ్బవరం సినిమా.. ఇప్పటివరకు ఎన్ని కోట్లు రాబట్టిందో తెలుసా?

Kiran Abbavaram's Ka Movie

పెళ్లి తర్వాత యంగ్ హీరో కిరణ్ అబ్బవరం నటించిన మొదటి సినిమా క. ఇదే అతని మొదటి పాన్ ఇండియా సినిమా కూడా. సుజీత్, సందీప్ తెరెక్కించిన ఈ సినిమా దీపావళి కానుకగా అక్టోబర్ 31వ తేదీన విడుదలైంది. ఫస్ట్ షో నుంచే సూపర్ హిట్ టాక్ తెచ్చుకుంది. రివ్యూలు కూడా పాజిటివ్ గా వచ్చాయి. అల్లు అరవింద్ లాంటి ప్రముఖులు ఈ సినిమాను చూసి చిత్ర బృందానికి అభినందనలు తెలుపుతున్నారు. ఇలా అన్ని చోట్ల క సినిమాకు పాజిటివ్ రెస్పాన్స్ వస్తోంది. తొలి రోజు ఇండియన్ బాక్సాఫీస్ వద్ద రూ .3.8 కోట్లు వసూలు చేసిన క సినిమా ఇతర రాష్ట్రాలు, ఓవర్సీస్ లో అదిరిపోయే కలెక్షన్స్ అందుకుంది. దీంతో మొదటి రోజు ప్రపంచ వ్యాప్తంగా రూ .6.18 కోట్ల కలెక్షన్స్ వసూలు చేసింది. ఈ విషయాన్ని ఒక స్పెషల్ పోస్టర్ తో అధికారికంగా ప్రకటించారు మేకర్స్. ఇక రెండవ రోజు కిరణ్ అబ్బవరం సినిమా కలెక్షన్లు కుమ్మేసింది. ఏకంగా రూ .3కోట్ల వరకు వసూళ్లు అందుకుంది. కేవలం రెండు రోజుల్లోనే ఇండియన్ బాక్సాఫీస్ వద్ద మాత్రమే రూ.6.80 కోట్లు కలెక్షన్స్ రాబట్టింది క సినిమా.ఇక ప్రపంచవ్యాప్తంగా రెండు రోజుల్లో రూ.10.25 కోట్ల గ్రాస్ కొల్లగొట్టింది. మొత్తానికి కిరణ్ అబ్బవరం కష్టానికి తగిన ప్రతిఫలం లభించిందని అభిమానులు, నెటిజన్లు భావిస్తున్నారు.

శ్రీమతి చింతా వరలక్ష్మి సమర్పణలో.. శ్రీ చక్రాస్ ఎంటర్టైన్మెంట్ బ్యానర్ పై గోపాలకృష్ణారెడ్డి క సినిమాను నిర్మించారు. 1977 నేపథ్యంలో సాగే ఈ సినిమాలో హీరో కిరణ్ అబ్బవరం అభినయ వాసుదేవ్ అనే పోస్ట్ మ్యాన్ పాత్రలో నటించాడు. అచ్యుత్ కుమార్, బలగం జయరామ్, రాడిన్ కింగ్ స్లే తదితరులు ప్రధాన పాత్రలు పోషించారు. సామ్ సీఎస్ అందించిన స్వరాలు, బీజీఎమ్ సినిమాను నెక్ట్స్ లెవెల్ కు తీసుకెళ్లింది. సతీష్ రెడ్డి మసాన్, డేనియల్ విశ్వాస్ సినిమాటోగ్రాఫర్లుగా వ్యవహరించగా, శ్రీ వర ప్రసాద్ ఎడిటింగ్ బాధ్యతలు నిర్వర్తించారు.

ప్రముఖుల ప్రశంసలు..

మరిన్ని సినిమా వార్తల కోసం ఇక్కడ క్లిక్ చేయండి.