Kalyaan Dhev: ఎమోషనల్ పోస్ట్ షేర్ చేసిన కళ్యాణ్ దేవ్.. ఆమె గురించేనా..?

Kalyan Dev

మెగాస్టార్ చిరంజీవి కూతురు శ్రీజ భర్త కళ్యాణ్ దేవ్ గురించి ప్రత్యేకంగా పరిచయం చేయాల్సిన అవసరం లేదు. శ్రీజను పెళ్లాడిన తర్వాత కళ్యాణ్ దేవ్ హీరోగా ఎంట్రీ ఇచ్చాడు. విజేత అనే సినిమా ద్వారా కళ్యాణ్ దేవ్ ప్రేక్షకులకు పరిచయం అయ్యాడు. ఈ సినిమా బాక్సాఫీస్ దగ్గర పర్లేదనిపించుకుంది. ఈ సినిమా తర్వాత ఒకటి రెండు సినిమాల్లో నటించారు కళ్యాణ్ దేవ్. కానీ ఆ సినిమాలన్నీ బాక్సాఫీస్ దగ్గర ప్రభావం చూపలేకపోయాయి. ఆ తర్వాత ఆయన సినిమాలకు బ్రేక్ ఇచ్చారు. కళ్యాణ్ దేవ్ చివరిగా నటించిన సూపర్ మచ్చి సినిమా కూడా ఆశించిన స్థాయిలో ఆకట్టుకోలేకపోయింది. ఇదిలా ఉంటే కళ్యాణ్ దేవ్ శ్రీజ విడిపోతున్నారంటూ చాలా కాలంగా వార్తలు వస్తున్నాయి.

సోషల్ మీడియాలోనూ వీళ్లిద్దరు కలిసున్న ఫోటోలు ఎక్కడా కనిపించడం లేదు. ఇద్దరి సోషల్ మీడియా అకౌంట్స్ లోనూ కలిసున్న ఫోటోలు లేకపోవడంతో అభిమానులలో అనుమానాలు మొదలయ్యాయి. అలాగే ఒకరినొకరు అన్ ఫాలో చేసుకోవడంతో ఆ అనుమానాలు బలపడ్డాయి. కానీ దీనిపై ఇంతవరకు ఎవరు స్పందించలేదు. ఇక కళ్యాణ్ దేవ్ కొద్దీ రోజులుగా సోషల్ మీడియాలో రకరకాల పోస్ట్ లు షేర్ చేస్తున్నాడు. ఇటీవలే తన కూతురితో ఆడుకుంటున్న ఫోటోను షేర్ చేశాడు కళ్యాణ్ దేవ్.

తాజాగా మరో ఎమోషనల్ పోస్ట్ ను షేర్ చేశాడు.  ” జీవితంలో మార్చులేనివి ఉంటాయి. అలాంటి వాటిని వదులుకునే ధైర్యం తెచ్చుకున్నప్పుడే.. అవి మనకు మధురక్షణాలు. దీని మీరు ఒప్పుకుంటారా.? అంటూ రాసుకొచ్చాడు కళ్యాణ్ దేవ్. అయితే ఈ పోస్ట్ శ్రీజను ఉద్దేశించే షేర్ చేశాడని అంటున్నారు కొందరు.