Balakrishna: కాళీమాత భక్తుడిగా బాలకృష్ణ ?.. అంచనాలు పెంచేస్తోన్న అనిల్ రావిపూడి చిత్రం..
బాలయ్య జోడిగా కాజల్ అగర్వాల్ నటిస్తుండగా.. యంగ్ హీరోయిన్ శ్రీలీల కీలకపాత్రలో నటిస్తుంది. అయితే ఈ సినిమా పక్కా తెలంగాణ నేపథ్యంలో ఓ భారీ యాక్షన్ డ్రామాగా రాబోతున్నట్లుగా తెలుస్తోంది. అలాగే ఇందులో బాలయ్య చాలా ఇంటెన్స్ పాత్రలో కనిపించబోతున్నారని తెలుస్తోంది.
నందమూరి బాలకృష్ణ ప్రధాన పాత్రలో డైరెక్టర్ అనిల్ రావిపూడి ఓ సినిమా తెరకెక్కిస్తోన్న సంగతి తెలిసిందే. కొద్ది రోజులుగా చిత్రీకరణ జరపుకుంటున్న ఈ సినిమాపై ఇప్పటికే భారీ అంచనాలు ఉన్నాయి. ఇందులో బాలయ్య జోడిగా కాజల్ అగర్వాల్ నటిస్తుండగా.. యంగ్ హీరోయిన్ శ్రీలీల కీలకపాత్రలో నటిస్తుంది. అయితే ఈ సినిమా పక్కా తెలంగాణ నేపథ్యంలో ఓ భారీ యాక్షన్ డ్రామాగా రాబోతున్నట్లుగా తెలుస్తోంది. అలాగే ఇందులో బాలయ్య చాలా ఇంటెన్స్ పాత్రలో కనిపించబోతున్నారని తెలుస్తోంది. తాజాగా ఈ మూవీ నుంచి ఓ ఇంట్రెస్టింగ్ అప్డేట్ ఫిల్మ్ సర్కిల్లో చక్కర్లు కొడుతుంది.
లేటేస్ట్ అప్డేట్ ప్రకారం ఇందులో బాలయ్య కాళీమాత భక్తుడిగా కనిపించబోతున్నారట. ఈ సినిమాలో కాళీమాత దేవాలయంలో వచ్చే ఓ సీక్వెన్స్ కూడా చాలా బాగుంటుందట. ఈ సినిమాలో బాల్యయ తెలంగాణ మాండలికంలో డైలాగ్స్ చెప్పబోతున్నారట. అలాగే ఇందులో ఆయన రోల్ కూడా మరింత పవర్ ఫుల్ గా ఉండనుందని.. ఇప్పటివరకు నందమూరి అభిమానులు చూడని రోల్ చేయబోతున్నారని తెలుస్తోంది. అలాగే యాక్టివిటీస్.. ఆలోచనలు మాత్రం చాలా ఫన్నీగా ఉంటాయట.
ఈ చిత్రంలో ప్లాష్ బ్యాక్ కూడా చాలా వైల్డ్ గా ఉంటుందట. మొత్తానికి బాలయ్య.. అనిల్ రావిపూడి కలయికలో ఈ సినిమా పై హైప్ తారా స్థాయికి చేరింది. ఈ సినిమాకు ఎస్ఎస్ థమన్ సంగీతం అందిస్తుండగా.. సిరామ్ ప్రసాద్ సినిమాటోగ్రఫీ అందిస్తున్నారు. ఈ సినిమాను ఈఏడాది దసరాకు రిలీజ్ చేయనున్నట్లు ప్రకటించారు మేకర్స్.