Mahesh Babu: ఆ టైటిల్ మీదే ఇంట్రెస్ట్ చూపిస్తోన్న మహేష్.. త్రివిక్రమ్ సినిమా ఏంటంటే..
ఇప్పటికే ఈ సినిమా నుంచి విడుదలైన మహేష్ ఫస్ట్ లుక్ పోస్టర్ క్యూరియాసిటిని పెంచేసింది. ఇందులో మహేష్ స్టైలీష్ అండ్ కూల్ లుక్ లో కనిపించనున్నారు. అయితే ప్రస్తుతం ఈ మూవీ ఎస్ఎస్ఎంబీ 28 అనే వర్కింగ్ టైటిల్ తో తెరకెక్కుతుంది. ఇప్పటివరకు ఈ మూవీకి టైటిల్ ఖరారు చేయలేదు.
సూపర్ స్టార్ మహేష్ బాబు సినిమా కోసం ఫ్యాన్స్ ఎంతో ఆసక్తిగా ఎదురుచూస్తున్న సంగతి తెలిసిందే. ప్రస్తుతం ఆయన డైరెక్టర్ త్రివిక్రమ్ దర్శకత్వంలో ఓ ప్రాజెక్ట్ చేస్తున్నారు. చాలా రోజులుగా శరవేగంగా షూటింగ్ జరుపుకుంటున్న ఈ సినిమాను హారిక అండ్ హాసిని బ్యానర్ పై నిర్మిస్తున్నారు. భారీ యాక్షన్స్ తో పాటు.. బలమైన ఎమోషన్స్ తో నడిచే కథ ఇది. ఇందులో పూజా హెగ్డే కథానాయికగా నటిస్తుండగా.. శ్రీలీల కీలకపాత్రలో కనిపించనుంది. ఇప్పటికే ఈ సినిమా నుంచి విడుదలైన మహేష్ ఫస్ట్ లుక్ పోస్టర్ క్యూరియాసిటిని పెంచేసింది. ఇందులో మహేష్ స్టైలీష్ అండ్ కూల్ లుక్ లో కనిపించనున్నారు. అయితే ప్రస్తుతం ఈ మూవీ ఎస్ఎస్ఎంబీ 28 అనే వర్కింగ్ టైటిల్ తో తెరకెక్కుతుంది. ఇప్పటివరకు ఈ మూవీకి టైటిల్ ఖరారు చేయలేదు.
కానీ కొద్ది రోజులుగా ఈ మూవీ టైటిల్ పై ఆసక్తికర అప్డేట్స్ మాత్రం చక్కర్లు కొడుతున్నాయి. త్రివిక్రమ్ కు అ అక్షరంతో టైటిల్ పెట్టడం సెంటిమెంట్.. అ అక్షరంతోనే కథకి దగ్గరగా ఉండే కొన్ని టైటిల్స్ పరిశీలించారట. ఇప్పుడు తాజాగా వినిపిస్తున్న సమాచారం ప్రకారం ఈ సినిమాకు అమరావతికి అటు ఇటు అనే టైటిల్ ఫిక్స్ చేసినట్లుగా తెలుస్తోంది. ఇక కొత్త టైటిల్ మహేష్ బాబుకు కూడా నచ్చిందని సమాచారం. మొత్తానికి ఈ టైటిల్ ఫిక్స్ చేయాలనే ఆలోచనలో ఉన్నారట.
మాస్ యాక్షన్ నేపథ్యంలో రాబోతున్న ఈ సినిమాకు థమన్ సంగీతం అందిస్తుండగా.. వచ్చే ఏడాది సంక్రాంతికి ఈ సినిమాను రిలీజ్ చేయబోతున్నట్లు ఇదివరకే చిత్రయూనిట్ ప్రకటించింది. ఈ సినిమా అనంతరం.. మహేష్.. డైరెక్టర్ రాజమౌళి దర్శకత్వంలో ఓ మూవీ చేయబోతున్నాడు.