Jatin Grewal: నీ స్నేహం మూవీలో ఉదయ్ కిరణ్ ఫ్రెండ్ గుర్తున్నాడా? ఇప్పుడు అమెరికాలో ఏం చేస్తున్నాడో తెలుసా?
'కొంతకాలం కిందట బ్రహ్మదేవుని ముంగిట.. రెండు ఆత్మలు కోరుకున్నవి ఓ వరం.. రూపు రేఖలు వేరట ఊపిరొకటే చాలట' .. స్నేహానికి సంబంధించిన ఈ సూపర్ హిట్ సాంగ్ ఏ సినిమాలోది అంటే 'నీ స్నేహం' అని చాలా మంది ఠక్కున చెప్పేస్తారు. దివంగత నటీనటులు ఉదయ్ కిరణ్, ఆర్తి అగర్వాల్ హీరో హీరోయిన్లు గా నటించిన సినిమాలో పాటలన్నీ సూపర్ హిట్.
‘కొంతకాలం కిందట బ్రహ్మదేవుని ముంగిట.. రెండు ఆత్మలు కోరుకున్నవి ఓ వరం.. రూపు రేఖలు వేరట ఊపిరొకటే చాలట’ .. స్నేహానికి సంబంధించిన ఈ సూపర్ హిట్ సాంగ్ ఏ సినిమాలోది అంటే ‘నీ స్నేహం’ అని చాలా మంది ఠక్కున చెప్పేస్తారు. దివంగత నటీనటులు ఉదయ్ కిరణ్, ఆర్తి అగర్వాల్ హీరో హీరోయిన్లు గా నటించిన సినిమాలో పాటలన్నీ సూపర్ హిట్. ముఖ్యంగా ఈ ఫ్రెండ్ షిప్ సాంగ్ అయితే అప్పట్లో యూత్ ను తెగ ఆకట్టుకుంది. 2002లో రిలీజైన నీ స్నేహం సినిమా సూపర్ హిట్ గా నిలిచింది. ఉదయ్ కిరణ్, ఆర్తీ అగర్వాల్ ల జోడీకి మంచి పేరు వచ్చింది. అయిదే ఈ సినిమాలో మరో కీలక పాత్ర కూడా అందరికీ గుర్తుండిపోతుంది. అదే ఉదయ్ కిరణ్ ప్రాణ స్నేహితుడి రోల్. ఈ పాత్రలో అద్భుతంగా నటించాడు బాలీవుడ్ యాక్టర్ జతిన్ గ్రేవాల్. ఉదయ్ కిరణ్ కోసం ప్రాణాలను సైతం లెక్కచేయలేని స్నేహితుడి పాత్రలో జతిన్ నటనను అంత ఈజీగా మార్చిపోలేం. అయితే నీ స్నేహం తర్వాత బాలకృష్ణ పల్నాటి బ్రహ్మనాయుడు సినిమాలో మాత్రమే కనిపించాడీ హ్యాండ్సమ్ యాక్టర్. ఆ తర్వాత మరే తెలుగు సినిమాలోనూ కనిపించలేదు.
ఉత్తరాఖండ్‍లో పంజాబీ ఫ్యామిలీలో పుట్టాడు జతి న్ గ్రేవాల్. చండీఘర్‌లో పెరిగిన అతను చదువు పూర్తయ్యాక మోడలింగ్ రంగంలోకి అడుగు పెట్టాడు. రేమండ్స్, థమ్స్ అప్, లెవీస్, సింథాల్, ఇండిగో నేషన్, తాజ్ హోటల్స్ వంటి యాడ్స్ చేశాడు. కొన్ని పాప్ మ్యూజిక్ ఆల్బమ్స్‌లో కూడా కనిపించాడు. రాహుల్ అనే హిందీ చిత్రంతో బాలీవుడ్ ఎంట్రీ ఇచ్చిన జతిన్.. అనామిక, లవ్ యూ సోనియా, షార్ట్ కట్ రోమియో, ఇంటర్నేషనల్ హీరో వంటి చిత్రాల్లో యాక్ట్ చేశాడు. అయితే 2016 తర్వాత సినిమాల్లో కనిపించలేదు జతిన్. అదే ఏడాది కరోలినా మాచి అనే మహిళను వివాహం చేసుకుని అమెరికా వెళ్లిపోయాడు. అక్కడే వ్యాపార వ్యవహరాలు చూసుకుంటున్నాడు. ప్రస్తుతం తన కుటుంబంతో కలిసి కాలిఫోర్నియాలో నివసిస్తున్నాడు జతిన్. సినిమాలకు దూరంగా ఉన్న అతను సోషల్ మీడియాలో మాత్రం ఫుల్ యాక్టివ్ గా ఉంటున్నాడు. తన లేటెస్ట్ ఫొటోలను ఎప్పటికప్పుడు అందులో షేర్ చేస్తుంటాడు. అప్పటికీ, ఇప్పటిక అదే ఫిజిక్ మెయింటైన్ చేస్తున్నాడీ హ్యాండ్సమ్ యాక్టర్.
జతిన్ గ్రేవాల్ లేటెస్ట్ ఇన్ స్టా గ్రామ్ ఫొటోస్..
మరిన్ని సినిమా వార్తల కోసం ఇక్కడ క్లిక్ చేయండి