Amaran Movie: సాయి పల్లవి రేంజ్ పెరిగింది.. అమరన్ సినిమా కోసం హీరోతో సమానంగా రెమ్యునరేషన్.. ఎన్ని కోట్లంటే?

Sai Pallavi

దీపావళి కానుకగా అక్టోబర్ 31న విడుదలైన అమరన్ చిత్రం సూపర్ హిట్ అయిన సంగతి తెలిసిందే. మేజర్ ముకుంద్ వరదరాజన్ జీవితం ఆధారంగా తెరకెక్కిన ఈ చిత్రానికి అన్ని వర్గాల ప్రేక్షకుల నుంచి మంచి స్పందన వస్తోంది. ఈ ఏడాది తమిళంలో అమరన్‌ పెద్ద హిట్‌. తెలుగులోనూ సినిమాకు పాజిటివ్ రివ్యూలు వచ్చాయి. కోలీవుడ్ హీరో శివకార్తికేయన్ ముకుంద్ పాత్రలో నటించగా, సాయి పల్లవి అతని భార్య ఇందు రెబెక్కా వర్గీస్ పాత్రలో నటించింది. దర్శకుడు రాజ్‌కుమార్ పెరియస్వామి దర్శకత్వం వహించిన ఈ చిత్రం260  కోట్ల కు పైగా  వసూలు చేసింది. సోనీ పిక్చర్స్‌తో కలిసి నటుడు కమల్‌హాసన్‌కు చెందిన రాజ్‌కమల్ ఫిల్మ్స్ ఇంటర్నేషనల్ ఈ చిత్రాన్ని నిర్మించించింది.  శివకార్తికేయన్ కెరీర్‌లో అత్యధిక వసూళ్లు రాబట్టిన చిత్రం ఇదే. ఈ సినిమా హిట్ తర్వాత సాయి పల్లవి, శివకార్తికేయన్‌లకు బోలెడన్ని ఆఫర్లు వస్తున్నాయి. కాగా అమరన్ సినిమాలో నటించేందుకు శివకార్తికేయన్ 3 కోట్లు అందుకున్నాడని తెలుస్తోంది. అదే సమయంలో సాయి పల్లవి కూడా హీరోతో సమానంగా 3 కోట్ల రూపాయలు అందుకుందని అంటున్నారు.

శివకార్తికేయన్ సినిమాల్లోకి రాకముందు తమిళ టీవీ యాంకర్‌గా తన కెరీర్‌ను ప్రారంభించాడు. 2012లో పాండిరాజ్ దర్శకత్వంలో ‘మెరీనా’ సినిమాతో హీరోగా తెరంగేట్రం చేశాడు. ఈ సినిమా తర్వాత 3 సినిమాల్లో సపోర్టింగ్ యాక్టర్‌గా, చాలా సినిమాల్లో హీరోగా నటించాడు. మాన్ కరాటే, ఖాకీ సత్తాయి, రజనీ మురుగన్, రెమో వంటి సినిమాలు అతనికి మంచి గుర్తింపు తెచ్చాయి.

అమరన్ సినిమాలో సాయి పల్లవి, శివ కార్తికేయన్..

ఇక ‘ప్రేమమ్’ సినిమాతో సినిమా ఇండస్ట్రీకి పరిచయమైన సాయి పల్లవి ఆ తర్వాత ‘ఫిదా’, ‘శ్యామ్ సింహరాయ్’, ‘విరాటపర్వం’ చిత్రాల్లో నటించింది. తెలుగు, తమిళంలో ఎన్నో హిట్స్‌ అందించింది. దీని తర్వాత కాస్త గ్యాప్ తీసుకున్నప్పటికీ ఇప్పుడు అమరన్ సినిమాతో మరోసారి ప్రేక్షకులను ఆకట్టుకుంది. ప్రస్తుతం ఈ ముద్దుగుమ్మ చేతిలో తండేల్, రామాయణం వంటి భారీ ప్రాజెక్టులు ఉన్నాయి.

మరిన్ని సినిమా వార్తల కోసం ఇక్కడ క్లిక్ చేయండి.