Nagarjuna: అజిత్, నాగార్జున కాంబోలో మల్టీస్టారర్ .. కానీ ఆ బ్లాక్ బస్టర్ హిట్ మిస్ చేసుకున్న కింగ్..
సోగ్గాడే చిన్ని నాయనా.. బంగర్రాజు సినిమాలతో సూపర్ హిట్స్ అందుకున్న తర్వాత ఇప్పటివరకు భారీ విజయాన్ని అందుకోలేదు. అయితే ఎన్నో సూపర్ హిట్స్ చిత్రాల్లో నటించిన ఆయన.. అప్పట్లో షెడ్యూల్స్ కారణంగా చేయాలనుకున్న సినిమాలను కూడా చేయలేకపోయారుట. అందులో గ్యాంబ్లర్ ఒకటి.
Updated on: May 10, 2023 | 8:42 PM
తెలుగు ప్రేక్షకుల వెండితెర మన్మథుడు అక్కినేని నాగార్జున. ఫ్యామిలీ ఆడియన్స్ నుంచి ఆయనకు ఉండే ఫాలోయింగ్ గురించి చెప్పక్కర్లేదు. ఎన్నో హిట్ చిత్రాల్లో నటించిన ఆయన.. ఎక్కువగా ప్రయోగాలు చేయడానికి ఆసక్తి చూపిస్తుంటారు. హిట్టు, ప్లాపులతో సంబంధం లేకుండా.. కొత్త దర్శకులకు ఛాన్స్ ఇస్తుంటారు. అలాగే ప్రయోగాత్మక చిత్రాలు చేసేందుకు వెనకడుగు వేయరు. చాలాకాలంగా ఆయనకు సరైన హిట్టు పడడం లేదు. సోగ్గాడే చిన్ని నాయనా.. బంగర్రాజు సినిమాలతో సూపర్ హిట్స్ అందుకున్న తర్వాత ఇప్పటివరకు భారీ విజయాన్ని అందుకోలేదు. అయితే ఎన్నో సూపర్ హిట్స్ చిత్రాల్లో నటించిన ఆయన.. అప్పట్లో షెడ్యూల్స్ కారణంగా చేయాలనుకున్న సినిమాలను కూడా చేయలేకపోయారుట. అందులో గ్యాంబ్లర్ ఒకటి.
తమిళ్ స్టార్ హీరో అజిత్.. అర్జున్ సర్జా కాంబోలో వచ్చిన ఈ మూవీ అప్పట్లో బ్లాక్ బస్టర్ హిట్. డైరెక్టర్ వెంకట్ ప్రభు దర్శకత్వం వహించిన ఈ సినిమా అజిత్ కెరీర్ లోనే వన్ ఆఫ్ ది బెస్ట్ హిట్. ఈ మూవీ కంప్లీట్ గా.. గ్రేషేడ్స్ ఉన్న క్యారెక్టర్స్ తోనే నడుస్తుంది. కోలీవుడ్ లో గ్రే షేడ్స్ హీరోయిజంతో వచ్చిన మొదటి సినిమా ఇదే. అయితే ఈ సినిమాలో నాగార్జున నటించాల్సి ఉందని.. కానీ అనుకోని కారణాలతో ఈ సినిమాను వదులుకోవాల్సి వచ్చిందట. ఈ విషయాన్ని స్వయంగా వెంకట్ ప్రభు బయటపెట్టారు.
అక్కినేని నాగచైతన్య ప్రధాన పాత్రలో డైరెక్టర్ వెకంట్ ప్రభు తెరకెక్కించిన చిత్రం కస్టడీ. ఈ సినిమా మే 12న రిలీజ్ కాబోతుండడంతో ప్రమోషన్స్ జోరుగా సాగుతున్నాయి. ఇందులో భాగంగా.. ఇటీవల ఓ ఇంటర్వ్యూలో పాల్గొన్న ఆయన.. గ్యాంబ్లర్ సినిమా గురించి చెప్పుకొచ్చారు. ఇందులో అర్జున్ పోషించిన పోలీస్ ఆఫీసర్ పాత్ర కోసం ముందుగా నాగార్జునను అనుకున్నారట. అతడిని దృష్టిలో ఉంచుకుని కథలో ఆ పాత్రను డిజైన్ చేశారట. అంతేకాదు.. నాగార్జునకు ఈ స్టోరీ చెప్పగా.. చాలా నచ్చిందని.. కానీ అప్పటికే వేరే సినిమాలకు కాల్ షీట్స్ ఇవ్వడంతో అడ్జస్ట్ చేయలేక ఈ మూవీ చేయలేకపోయారట.ఆ తర్వాత పలు మార్పులు చేసి అర్జున్ ను సెట్ అయ్యే విధంగా చేశారని వెంకట్ ప్రభు క్లారిటీ ఇచ్చారు.
