Chandramukhi 3: చంద్రముఖి 3 గురించి ఆసక్తికర విషయం చెప్పిన దర్శకుడు పి వాసు
హారర్‌ థ్రిల్లర్ జానర్‌లో క్లాసిక్‌గా నిలిచిపోయింది. చంద్రముఖి రిలీజ్ అయిన దగ్గర నుంచే ఈ సినిమాకు సీక్వెల్‌ను రూపొందించాలన్న డిమాండ్స్‌ వినిపించాయి. రజనీకాంత్ ఇంట్రస్ట్ చూపించకపోవటంతో సీక్వెల్ డీలే అవుతూ వచ్చింది.
సూపర్ స్టార్ రజనీకాంత్ ఫిలిం కెరీర్‌ ఇక ముగిసినట్టే అనుకుంటున్న టైమ్‌లో సూపర్ హిట్‌తో రజనీ ఫ్యాన్స్‌ను ఫుల్ ఖుషీ చేసిన సినిమా చంద్రముఖి. పీ వాసు దర్శకత్వంలో తెరకెక్కిన ఈ సినిమా తమిళ్‌తో పాటు తెలుగులోనూ సూపర్ హిట్ అయ్యింది. హారర్‌ థ్రిల్లర్ జానర్‌లో క్లాసిక్‌గా నిలిచిపోయింది. చంద్రముఖి రిలీజ్ అయిన దగ్గర నుంచే ఈ సినిమాకు సీక్వెల్‌ను రూపొందించాలన్న డిమాండ్స్‌ వినిపించాయి. రజనీకాంత్ ఇంట్రస్ట్ చూపించకపోవటంతో సీక్వెల్ డీలే అవుతూ వచ్చింది.
వెంకటేష్ హీరోగా నాగవల్లి పేరుతో చంద్రముఖి తరహా కథతోనే ఓ సినిమా తెరకెక్కించినా.. అది అఫీషియల్ సీక్వెల్ మాత్రం కాదు. రీసెంట్‌గా చంద్రముఖి సినిమాకు అఫీషియల్ రీమేక్‌ను స్టార్ట్ చేశారు మేకర్స్‌. లారెన్స్ లీడ్ రోల్‌లో రూపొందుతున్న ఈ సినిమాలో బాలీవుడ్ బ్యూటీ కంగనా రనౌత్‌ చంద్రముఖిగా కనిపించనున్నారు. రీసెంట్‌గా ఈ సినిమా అప్‌డేట్‌ ఇచ్చిన దర్శకుడు మరో ఇంట్రస్టింగ్ విషయాన్ని రివీల్ చేశారు.
చంద్రముఖి తొలి భాగంలో ఓ భారీ పామును చూపించారు. సినిమాలో ఆ పాముకు పెద్దగా ఇంపార్టెన్స్ ఉండకపోవటంతో… ఎడిటింగ్‌లో ఆ సీన్స్ కట్ అయ్యాయేమో అనుకున్నారు ఆడియన్స్‌. కానీ ఈ విషయంలో రీసెంట్‌ ఇంటర్వ్యూలో క్లారిటీ ఇచ్చారు కెప్టెన్ వాసు. చంద్రముఖి కథలో ఆ రాజసర్పానికి చాలా ఇంపార్టెన్స్ ఉంటుందని.. ఆ క్లారిటీ చంద్రముఖి 3లో ఉంటుందని చెప్పారు. దీంతో త్వరలొనే ఈ సూపర్ హిట్ సిరీస్‌లో మరో మూవీ రానుందన్న విషయంలో క్లారిటీ వచ్చింది.