Pawan Kalyan’s OG: పవన్‌ కల్యాణ్‌ ‘ఓజీ’ సినిమాలో ఆలీ! పాత స్నేహం చిగురించినట్టేనా?
సుజిత్‌ తెరకెక్కిస్తోన్న ఈ గ్యాంగ్‌స్టర్‌ మూవీలో కమెడియన్‌ ఆలీ ఓ కీలక పాత్రలో నటిస్తున్నట్లు వార్తలు వస్తున్నాయి. ఇప్పటికే 50 శాతం షూటింగ్‌ పూర్తయిందని, త్వరలో ప్రారంభం కానున్న కొత్త షెడ్యూల్‌లో ఆలీ చేరతారని తెలుస్తోంది. పవన్‌, ఆలీల మధ్య కీలక సన్నివేశాలను చిత్రీకరించేందుకు మేకర్స్‌ ప్లాన్‌ చేస్తున్నారని టాక్‌ వినిపిస్తోంది.
పవర్‌ స్టార్‌ పవన్‌ కల్యాణ్‌ హీరోగా యంగ్ డైరెక్టర్‌ సుజిత్‌ తెరకెక్కిస్తోన్న సినిమా ‘ఒరిజినల్‌ గ్యాంగ్‌ స్టర్‌ (OG)’.ప్రియాంక అరుళ్‌ మోహన్‌ కథానాయికగా నటిస్తోన్న ఈ స్టైలిష్‌ యాక్షన్‌ మూవీలో బాలీవుడ్ హీరో ఇమ్రాన్‌ హష్మీ విలన్‌గా నటిస్తున్నాడు. అలాగే కోలీవుడ్‌ యంగ్ హీరో అర్జున్‌ దాస్‌, శ్రియా రెడ్డి కూడా కీలక పాత్రలు పోషించారు. ఇక బాలీవుడ్ బిగ్‌ బీ అమితాబ్‌ బచ్చన్‌ ఓజీలో పవర్‌ స్టార్‌కు తండ్రిగా నటించనున్నట్లు ప్రచారం జరుగుతోంది. దీనిపై ఇంకా అధికారిక ప్రకటనేదీ వెలువడ లేదు. అయితే సుజిత్‌ తెరకెక్కిస్తోన్న ఈ గ్యాంగ్‌స్టర్‌ మూవీలో కమెడియన్‌ ఆలీ ఓ కీలక పాత్రలో నటిస్తున్నట్లు వార్తలు వస్తున్నాయి. ఇప్పటికే 50 శాతం షూటింగ్‌ పూర్తయిందని, త్వరలో ప్రారంభం కానున్న కొత్త షెడ్యూల్‌లో ఆలీ చేరతారని తెలుస్తోంది. పవన్‌, ఆలీల మధ్య కీలక సన్నివేశాలను చిత్రీకరించేందుకు మేకర్స్‌ ప్లాన్‌ చేస్తున్నారని టాక్‌ వినిపిస్తోంది. అయితే ఆలీ నటించే విషయంపై ఇప్పటివరకు ఎలాంటి అధికారిక ప్రకటన రాలేదు.
కాగా పవన్‌, ఆలీ మంచి స్నేహితులన్న సంగతి తెలిసిందే. పవర్‌ స్టార్‌ నటించిన ప్రతి సినిమాలో ఆలీ తప్పక ఉండాల్సిందే. అలా వీరి కాంబినేషన్‌ లో బోలెడు సూపర్‌హిట్‌ సినిమాలు వచ్చాయి. అయితే 2019 ఎన్నికల సమయంలో రాజకీయంగా వేర్వేరు దారులు చూసుకోవడం, పరస్పరం విమర్శలు చేసుకోవడంతో ఇద్దరి మధ్య కాస్త గ్యాప్‌ వచ్చింది. అయితే ఆ తర్వాత పలు సందర్భాల్లో పవన్‌ సినిమాలో నటించేందుకు ఆసక్తి చూపించారు ఆలీ. అలాగే తన కుమార్తె వివాహానికి కూడా ఆహ్వానించారు. అయితే కొన్ని కారణాల వల్ల పవర్‌ స్టార్‌ హాజరుకాలేకపోయారు. మళ్లీ ఇప్పుడు పవన్‌- ఆలీ కాంబినేషన్‌లో సినిమా వస్తుందంటే అభిమానులకు మంచి ఎంటర్‌ టైన్‌మెంట్‌ దొరికేనట్లే. ప్రస్తుతం రూమర్‌గా ఉన్న ఈ విషయం నిజమైతే బాగుండు అని చాలామంది కోరుకుంటున్నారు.
మరిన్ని సినిమా వార్తల కోసం ఇక్కడ క్లిక్ చేయండి.